Os casos activos crecerán esta semana desde o punto vista a 7 días por vez primeira en tres meses

Os 24 novos positivos por PCR revelados hoxe indican unha lixeira tendencia á alza dentro dunha fase de poucos cambios. A incidencia bisemanal sobe por terceiro día seguido, aínda que moi pouco. 

Os casos activos tamén soben  por cuarta vez na última semana. Aínda que as alzas rozan o anecdótico en cantidade,  son significativas en canto ao rumbo que pode tomar a pandemia. 

A incidencia acumulada semanal crece unha décima, de 6,4 a 6,5 . Seguimos en nova normalidade segundo a escala deste indicador no semáforo oficial de alertas.  Este indicador está practicamente plano. Levamos xa 16 días seguidos movéndonos entre 6,9 e 6. Encadeamos tres días de ascensos, pero son pequeñísimos.

A incidencia acumulada a 14 días ascende de 12,6 a 12,9 .Tamén seguimos en nova normalidade neste índice e tamén encadeamos tres días seguidos de alzas. Esa tendencia é o preocupante, non os niveis, que son excelentes. A incidencia bisemanal é un indicador que dificilmente cambia de rumbo e parece que estamos a entrar nunha fase expansiva, aínda que sexa extremadamente modesta, por agora.

O dobre da incidencia semanal (12,8) é maior que a incidencia bisemanal (12,6). Con todo, a diferenza é mínima. En concreto a razón de taxas é de 1,01. Isto quere dicir que na última semana houbo un 1% máis de positivos que na penúltima. É dicir, a pandemia está practicamente plana, desde o punto de vista semanal polo menos.   

A taxa de positividade onte foi de o  1,2% e axúdanos a mantervos  en nova normalidade porque a media semanal segue por baixo de 4%. Iso si, a media semanal crece de 1,2% ata 1,3%. De novo o problema non é o nivel, que é excelente, senón a tendencia, porque este indicador creceu en cinco do últimos seis días.

EVOLUCIÓN DOS CASOS ACTIVOS

O total de infectados ascende hoxe un +0,96 %. A media semanal dá outro  paso na mala dirección e sobe de -0,9 % a -0,6 %.

De seguir con esta traxectoria, esta semana a curva da derivada de casos activos superará o 0. Entón é cando, desde o punto de vista semanal, empezaranse a acumular máis e máis infectados. 

En termos absolutos, as porcentaxes de hoxe equivalen a un ascenso de +4 . O total é de 419 casos activos.

DATOS POR ÁREAS

 Lugo (7) e  Vigo  (7) son os distritos que máis positivos comunican hoxe.  Unha boa noticia é que Pontevedra (2)  Santiago (1), as áreas con máis positivos ultimamente en proporción á súa poboación, cultivan uns resultados excelentes. 

Outra boa noticia é que só quedan enfermos críticos na Coruña, Lugo e Pontevedra.  Máis datos a nivel municipal e de distrito do SERGAS nuns minutos en Galiciapress.  

CONCLUSIÓNS

Con estas cifras sobre a mesa, pódese inferir que:

• A pandemia segue nuns niveis excelentes, ben aferrada á nova normalidade.
• Cada vez hai máis indicios que nos diriximos a unha fase expansiva. Parece claro que case todos os índices semanais tocaron fondo e agora vén un ascenso. A clave está en determinar se esta fase expansiva será algo leve e puntual, alimentada por focos en residencias e en colexios que o SERGAS é capaz de apagar rapidamente como ata o de agora, ou conducirá a unha transmisión comunitaria.
• É imposible saber que sucederá porque nunca ninguén estivo nesta situación. Temos o exemplo doutros lugares, como o Reino Unido, onde o ascenso de casos activos levou a reclamar a reimposición de restricións. Con todo, a situación é notablemente diferente, pois alí a poboación inmunizada rolda o 60% e en Galicia supera o 80%; o 90%, se excluímos aos menores que non se poden vacinar. Lugares como Asturias alcanzaron as altísimas taxas de vacinación de Galicia moi pouco antes que nós, polo que a súa evolución tampouco nos dá moitas pistas.
• Con todo, levamos xa varias semanas en que a vacinación non aumenta significativamente. O teito de inmunización alcanzouse e por agora só hai rebotes puntuais. Isto alimenta a esperanza de que Galicia poida pasar o inverno esquivando ondas significativas. Novas variables mediante, claro.