Un Mundial de fútbol cada dous anos? Europa rexeita o plan e pide que non se vote

Gianni Infantino insiste en que a FIFA votará a súa proposta de mundial cada dous anos, consciente que leva as de gañar ao ser os representantes europeos unha minoría. 

O seu homólogo europeo advírtelle que os clubs están fartos de quedar sempre como os malos cando son os principais motores económicos deste deporte.

Arquivo - Aleksander Ceferin, presidente da UEFA 

“Resumindo: non imos xogar un Mundial cada dous anos, pero con gusto xogaremos un Mundial cada catro anos”, díxolle Ceferin ao presidente da FIFA ao final de unha reunión virtual dunha hora e media de duración á que tivo acceso Around the Rings.

O Mundial dispútase cada catro anos desde 1930 e a opción que propuxo Gianni  Infantino de xogalo cada dous provocou un forte rexeitamento e multitude de críticas. Alemaña, España, Portugal ou Italia foron algúns dos países que se negaron a disputar esta competición tan seguido.

A Confederación Suramericana de Fútbol tampouco está a favor da proposta, pero os votos en contra dos xa citados ou a negativa dos países nórdicos non serías suficientes para poñer fin a este intento de proxecto se outras confederacións votasen a favor.

“Grazas polos comentarios e as críticas, porque é así como progresamos”, dixo Infantino. “O meu rol como presidente da FIFA é facilitar o diálogo e a participación, non son o que decide, os que deciden son vostedes”, sinalaba. “Queremos un consenso e un acordo con todos os involucrados. Imaxínanse o difícil que é para o presidente da FIFA este tema. O importante é que alcancemos unha conclusión común para ese entón, o 20 de decembro”, concluíu.

“Que pasa se non chegamos a un acordo? Porque como membro do consello (da FIFA) teño tamén a sensación de que a alternativa é ‘ou se chega a un acordo ou votamos", respondeu Ceferin. “A proposta que se nos fixo o 30 de setembro vai directo contra as federacións, os clubs e as ligas europeas. Para min é máis un proxecto político que futbolístico”, continuou.

“Vai a canibalizar o fútbol feminino. Se me preguntas, o proceso de consulta non foi un proceso de consulta. Non o é se o 20 de decembro se transforma en unha data na que hai que votar. Pediríache seriamente a ti e á FIFA, non presionar por un voto, porque iso pode ter consecuencias terribles para o fútbol”, dixo o presidente da UEFA.

“Estamos cansados de que se presente ás federacións e os clubs europeos como ricos e arrogantes que non se preocupan polo desenvolvemento do fútbol. Nós axudamos moito, e estamos listos para axudar máis. O noso calendario é diferente ao doutras confederacións que case non teñen unha Liga propia”, seguiu.

Por último, dixo: “Non creo que sexa bo votar. Os clubs e as ligas non teñen dereito a votar, e isto vai en detrimento de eles. Entendo que queres desenvolver ao fútbol e facer á FIFA máis forte, pero na miña modesta opinión, compartida por 55 federacións, non vas facer ao fútbol mellor nin á FIFA máis forte con isto. Resumindo: non imos xogar un Mundial cada dous anos, pero con gusto xogaremos un Mundial cada catro anos. A Copa do Mundo é unha gran competición e respectámola. Por favor, non presionemos por un voto populista, porque isto significará que o fútbol non será mellor, senón moito peor no futuro”.