Fernández-Tapias posible nova líder do PP de Vigo para o que tamén soa Javier Guerra

Feijóo ten cravada unha espiña electoral en Vigo, única urbe na que o PP cultiva fracaso tras fracaso desde que o actual líder dirixe o PPdeG. 



|

Feijóo ten cravada unha espiña electoral en Vigo, única urbe na que o PP cultiva fracaso tras fracaso desde que o actual líder dirixe o PPdeG. 


As reunións convocadas polo seu actual delegada na cidade fan pensar que Fernández-Tapias é quen competirá con Abel Caballero, se a militancia elíxea. Polo menos ese é o desexo da cúpula do PPdeG. 



Marta Fernu00e1ndez Tapias nunha reuniu00f3n con militantes do PP de Vigo Fernández Tapias nunha reunión con militantes do PP de Vigo


Marta Fernández Tapias nunha reunión con militantes do PP de Vigo Fernández Tapias nunha reunión con militantes do PP de Vigo

 
A delegada da Xunta en Vigo, Marta Fernández-Tapias, referiuse este luns aos contactos que está a manter cos militantes do PP na cidade e enmarcounos nun proceso de "escoita" previo á celebración do congreso local do partido (aínda sen data), aínda que evitou aclarar se optará a presidir o PP vigués.

Preguntada polos xornalistas, Fernández-Tapias admitiu que está a manter encontros con militantes, xa que "todas as cabezas visibles do partido deben facelo", para saber "que queren, que pensan e que necesitan".

A delegada da Xunta en Vigo lembrou que o PP da cidade está "en vésperas de celebrar un congreso" para renovarse e "facer un PP moderno e forte" na cidade olívica.

"Agora estou a escoitar aos militantes e tomando o pulso ao partido, para poder construír esa alternativa tan necesaria na cidade, e que o PP volva xerar ilusión entre os militantes, para poder construír unha alternativa de futuro", proclamou.

Fernández-Tapias mantivo reunións con militantes e simpatizantes de diferentes zonas de Vigo nos últimos días. De feito, nunha delas estivo acompañada polo exalcalde da cidade, Manuel Pérez.

 



 


CONGRESO LOCAL
A delegada da Xunta perfílase como a aposta do PPdeG para liderar o partido en Vigo onde, tras a dimisión de Elena Muñoz despois das eleccións municipais de 2019 (nas que o seu partido pasou de 7 a 4 concelleiros), conformouse unha xestora presidida pola exalcaldesa e actual deputada e secretaria da mesa do Parlamento, Corina Porro. 

Ademais do seu, hai outros nomes sobre a mesa, como o do exconselleiro e senador Javier Guerra, que xa lle disputou a presidencia do PP vigués a Elena Muñoz (e perdeu por un centenar de votos) e estaría a tentear as súas posibilidades. Guerra conta coa vantaxe de que o seu actual cargo permítelle certa visibilidade na vida local, como mostra a rolda de prensa valorando os orzamentos xerais do Estado e as súas implicacións para a cidade.

 




 


Ademais, o recente nomeamento do conselleiro de Sanidade, Julio García Comesaña, como coordinador do PP na área viguesa tamén abriu a porta ás especulacións sobre o seu futuro papel no partido, aínda que este descartou que fose un paso para converterse en líder do partido na cidade ou candidato á alcaldía.

O congreso do PP de Vigo aínda non foi convocado aínda que, tras a celebración das citas provinciais, o obxectivo da dirección do PPdeG é convocar os congresos locais.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE