Os positivos covid entran nunha nova fase de planicie que por agora nos permite aguantar en nova normalidade

Os 31 novos positivos por PCR comunicados hoxe confirman que Galicia entra nunha nova fase que, por agora, parece de planicie. Todos os índices a penas móvense máis aló de subidas ou baixadas case insignificantes. 

Os casos activos volven caer tras o rebote de onte, pero a caída é a máis pequena desde o pico da quinta onda.

A incidencia acumulada semanal mantense en 6,57 positivos por 100.000 habitantes por segundo día consecutivo. Seguimos en nova normalidade segundo a escala deste indicador no semáforo oficial de alertas.

A incidencia acumulada a 14 días descende hoxe tras a subida de onte, pero o cambio é ínfimo, pasamos de 14,5 a 14,2. Tamén seguimos en nova normalidade neste índice.

O dobre da incidencia semanal (13,14) é menor que a incidencia bisemanal (14,2 ). A razón de taxas resultante é de  0,92 , o que significa que na última semana houbo un   8% menos de positivos que na penúltima. 

Unha caída do 8% semanal é algo peor que a velocidade de onte (10%) pero está na liña da última semana. O descenso de contagios continúa desde unha perspectiva semanal, aínda que sexa case imperceptible, algo que en todo caso xa é un logro teniendo en cuenta o reducido das cifras.

A taxa de positividade onte foi do 1,08% e axúdanos a mantervos  en nova normalidade porque a media semanal segue por baixo de 4%.  O problema é que esa media semanal ha crecido en catro do últimos cinco días. O seu valor, iso si, segue sendo moi modesto, 1,35

EVOLUCIÓN DOS CASOS ACTIVOS

O total de infectados descende hoxe un -2,5%. A media semanal dá un paso na mala dirección e sobe de -4,7 % a -4,2%.

Dese -4,2% podemos facer unha lectura ambivalente. Por unha banda, é bo -mesmo excepcionalmente bo- que sigamos reducindo tanto os casos activos cando quedan xa menos de 500. Doutra banda é preocupante que a velocidade de redución free notablemente. Empezamos outubro cunha caída superior ao -7%.

En termos absolutos, as porcentaxes de hoxe equivalen a un descenso de - 13 , o máis modesto desde o pico da quinta onda. O total é de   495 casos activos. É a menor cantidade de infectados desde o 5 de agosto de 2020. 

DATOS POR ÁREAS

 A Coruña (9) e  Pontevedra (6) son os distritos que máis positivos comunican hoxe.  Lugo marca un fito ao non sumar nin un diagnóstico en todo o día, algo nunca visto este ano. Outra boa noticia é que por vez primeira en 2021 hai menos de 10 enfermos críticos. 

Máis datos a nivel municipal e de distrito do SERGAS nuns minutos en Galiciapress.  

CONCLUSIÓNS

Con estas cifras sobre a mesa, pódese inferir que:

• A pandemia está  nuns niveis excelentes que acaban de servir ao presidente da Xunta para confirmar que Galicia desactivará a alerta sanitaria a próxima semana.
• Esta decisión entraña certo risco vista a evolución recente. A melloría desapareceu e estamos a entrar nunha nova fase. Por agora, parece que é unha fase de planicie, con leves alzas cando se detecta un brote en determinada residencia ou colexio. O problema é que eses brotes empezan a non ser inusuais e seguen tendo consecuencias luctuosas. Por exemplo, o falecemento dunha anciá da residencia Sanitas da Coruña onte.
• A aparición de brotes non é algo que se poida enfocar como un problema illado. O virus sempre entra nos colexios ou nas residencias desde fóra. Se cada vez saltan máis residencias con brotes é porque cada vez hai máis virus fóra.  Esta semana, por certo, aumentaron os casos activos en residencias.