Estes son os domingos e festivos de 2022 nos que as grandes superficies permanecerán abertas en Galicia

A resolución da Xunta deu o visto e prace aos días nos que as grandes superficies poderán abrir o ano que vén con independencia de que sexan domingo ou festivo. 

Decembro, con ata cinco datas, será o mes no que abrirán máis tempo as grandes superficies comerciais.

Centro comercial | Foto: EP

O Diario Oficial de Galicia (DOG) publicou a resolución da Xunta pola que se aproban os 10 domingos e festivos que poderán abrir as grandes superficies en 2022.

Como cada ano, trátase de días que foron consultados pola Administración autonómica coas principais organizacións do sector. Esta datas non son de aplicación ao pequeno comercio, xa que conta con liberdade horaria para abrir.

En concreto, esas 10 datas serán: os dous primeiros domingos do ano (2 e 9 de xaneiro); Xoves Santo (14 de abril); os domingos 26 de xuño, 27 de novembro e 4 de decembro; así como Día da Constitución (6 de decembro); Día da Inmaculada Concepción (8 de decembro); e os domingos 11 e 18 de decembro.

Pola súa banda, os concellos poden solicitar ata o 15 de novembro a modificación de ata dúas destas datas para adaptalas ás súas características.