A Coruña cidade encadea 5 días á alza mentres Lugo consegue escapar do peor nivel de incidencia

O mapa da incidencia acumulada semanal de coronavirus por municipios mostra que son xa tres as cidades que non están no peor dos niveis posibles. 

Tras a baixada de hoxe, Lugo pasa a risco extremo, por baixo dos 250 positivos por cada 100.000 cidadáns, nivel no Santiago e Ourense levan xa varias semanas. Ourense que, por certo, pronto debería ser a primeira en saír de extremo.

VARIACIÓN SEMANAL

A razón de taxas permítenos saber se un territorio está a gañar ou perdendo positivos desde unha perspectiva semanal. Por exemplo, a razón de taxas de Galicia é do 0.93, o que quere dicir que na última semana houbo un  7% menosde positivos que na penúltima. Se fose 1, significaría que os positivos nin crecen nin baixan desde un punto de vista semanal.

Municipios onde os positivos están baixando desde un punto de vista semanal, pois a razón de taxas é inferior 1:

Municipios onde os positivos nin soben nin baixan desde un punto de vista semanal, pois a razón de taxas é exactamente 1:

• Porto do Son 1,00
• Bueu 1,00
• Redondela 1,00
• Bergondo 1,00

Municipios onde os positivos están subindo desde un punto de vista semanal, pois a razón de taxas é superior a 1:

• Ferrol 1,01
• Silleda 1,03
• Oleiros 1,04
• Touro 1,04
• Meis 1,04
• Cambre 1,04
• Santa Comba 1,05
• Soutomaior 1,06
• Pontes De Garcia Rodriguez (As) 1,07
• Estrada A 1,07
• Vilalba 1,07
• Coruña (A) 1,08
• Tomiño 1,09
• Ordes 1,10
• Rianxo 1,10
• Coristanco 1,11
• Neda 1,11
• Ribadeo 1,12
• Vimianzo 1,12
• Arteixo 1,12
• Tui 1,12
• Outeiro De Rei 1,17
• Naron 1,17
• Oza-cesuras 1,21
• Abegondo 1,23
• Monterrei 1,23
• Camariñas 1,25
• Betanzos 1,26
• Allariz 1,26
• Ares 1,27
• Carral 1,33
• Fisterra 1,33
• Miño 1,33
• Zas 1,37
• Alfoz 1,42
• Valadouro  1,43
• Neves (As) 1,43
• Cedeira 1,44
• Laxe 1,46
• Ponteceso 1,55
• Taboada 1,57
• Cabana de Bergantiños 1,65
• Cabanas 1,67
• Guitiriz 1,75
• Malpica De Bergantiños 1,81
• Paderne 1,87
• Pobra Do Brollon (A) 1,88
• Rodeiro 2,00

VARIACIÓN DIARIA

Comparando o cómputo semanal dun territorio hoxe co seu cómputo semanal onte, non podemos saber cantos novos positivos saltaron no último día, pero si cal é a tendencia máis recente da pandemia nesa localidade.

Relación de concellos cuxo total de positivos na última semana máis baixa hoxe respecto a ese total onte:

• Lugo -23
• Vigo -20
• Ourense -17
• Vilagarcia De Arousa -14
• Santiago de Compostela -13
• Foz -10
• Poio -7
• Carballo -6
• Marin -6
• Pontevedra -6
• Sanxenxo -6

Relación de concellos cuxo total de positivos na última semana máis sobe hoxe respecto a ese total onte:

• Malpica De Bergantiños +5
• Ponteceso + 5
• Tui + 6
• Cambre + 7
• Bueu + 7
• Tomiño + 7
• Sada + 10
• Oleiros + 15
• Coruña (A) + 37 

A evolución dos positivos en todos os concellos de Galicia pode consultarse no buscador desta táboa: 

CIDADES

As cidade onde está a crecer máis o virus agora é A Coruña e onde máis está a baixar é Lugo, desde unha perspectiva semanal.

A Coruña era a única urbe onde crecían os positivos. Xa non. Tras a alza de hoxe, a razón de taxas de Ferrol ponse en 1,01, o que indica que na última semana houbo un 1% máis de positivos que na penúltima. Parece unha cifra insignificante pero non o é. Non polo seu calibre, senón polo que implica de cambio de tendencia a peor.

Cambio de tendencia a peor que A Coruña cidade leva sufrindo nas súas carnes desde fai cinco días. Nese período o cómputo semanal ha pasado de 946 aos actuais 1.103. Un empeoramento que non presenta indicios de relaxarse pronto. Pola contra, o +37 de hoxe é a maior alza en o actual rebote herculino.

A cidade onde os diagnósticos están a caer máis é Ourense. A súa razón de taxas é de 0.69; o que quere dicir que na última semana houbo un 41% menos de positivos respecto a a penúltima. Ademais, Ourense hai tempo que é a urbe con mellor nivel de incidencia semanal. 

A incidencia acumulada semanal en Ourense é de 157. Cun pouco de sorte esta semana baixará de 150 e será así a primeira cidade do país que abandona o risco extremo nesta quinta onda, pasando do vermello escuro a lume claro no mapa de Galiciapress.

EVOLUCIÓN DOS CASOS ACTIVOS POR ÁREA

O distrito sanitario de  A Coruña sofre as consecuencias do mal comportamento da pandemia na capital. A área da Coruña é a única de Galicia cunha curva de casos activos á alza.  Agora ben, algo similar pode suceder na veciña Ferrol pronto, dado o empeoramento da cidade departemental. 

Polo momento, o distrito ferrolán hoxe a penas logra baixar o seu cómputo de infectados en 6 casos activos. A súa curva está practicamente plana. Afortunadamente, o resto de áreas presenta curvas con curvas á baixa desde hai días, semanas no caso de Ourense, Pontevedra e Santiago.

A nivel autonómico, os casos activos de Covid manteñen a tendencia descendente por cuarta xornada consecutiva e redúcense a 16.824, que constitúen 465 menos que o día anterior, ao haber máis altas (1.275) que contagios (811), ao que se engade un falecemento.

Con respecto a hai unha semana, a Comunidade galega conta con 1.983 casos activos de Covid-19 menos que os 18.807 rexistrados o pasado luns 2 de agosto.

Por áreas sanitarias, os casos activos descenden de novo en todas as áreas menos na da Coruña e Cee (+48). Así, redúcense nas de Vigo (-177); Santiago e Barbanza (-115); Lugo (-101); Pontevedra e O Salnés (-77); Ourense (-37) e Ferrol (-6). 

DATOS DE HOXE POR ÁREA

Pola súa banda, os novos contagios de Covid-19 caen por baixo do milleiro --cifra da que Galicia baixou o luns pasado por primeira vez desde o 20 de xullo, pero que superaba desde o mércores de novo-- e sitúanse en 811, o que supón 208 menos que os 1.019 deste domingo e algo máis dun centenar menos que os 939 rexistrados o luns anterior.

En concreto, o pasado luns 2 de agosto foi a primeira vez desde o día 20 de xullo que a Comunidade galega baixaba do milleiro de contagios de Covid-19.

No conxunto de Galicia foron confirmados 798 positivos por Probas Diagnósticas de Infección Activa (PDIA) no último día (que poden corresponder a casos activos doutras xornadas aos que se realiza unha nova proba diagnóstica), 244 menos que o día anterior, dos cales 316 corresponden á área da Coruña e Cee; 110, á de Vigo; 106, á de Pontevedra e O Salnés; 78, á de Santiago e Barbanza; 74, á de Lugo; 73, á de Ferrol; e 41, á de Ourense. 

PRESIÓN HOSPITALARIA HOXE POR ÁREA

Segundo os datos actualizados pola Consellería de Sanidade este luns con rexistros de ata as 18,00 horas do domingo, recollidos por Europa Press, as persoas ingresadas pola Covid-19 en UCI mantéñense en 55 e as hospitalizadas noutras unidades aumentan a 286, que supoñen 25 máis que a xornada anterior. Pola súa banda, 16.483 pacientes atópanse en seguimento no seu domicilio.

Por áreas sanitarias, a presión hospitalaria sobe nas sete, coa da Coruña e Cee á cabeza. Así, esta mantén 17 pacientes Covid en UCI e rexistra 80 noutras unidades --seis máis--.

Mentres, a de Santiago e Barbanza mantén cinco pacientes Covid en UCI e conta con 31 noutras unidades --seis máis--; e na de Pontevedra aumentan a sete o críticos --un máis-- e a 27 os doutras unidades --catro máis--.

Polo seu lado, na de Vigo soben a seis os ingresados en UCI pola Covid --uno máis-- e a 57 os doutras unidades --dúas máis--; mentres que na de Lugo seguen oito en críticos e aumentan a 37 os doutras unidades.

Na de Ourense descenden a cinco o críticos --un menos--, pero soben a 30 os ingresados noutras unidades --dúas máis--; e na de Ferrol descenden a sete os pacientes en UCI --uno menos--, pero aumentan a 24 os doutras unidades --dúas máis--.