Baixa o paro pero aínda non a niveis pre-pandemia e soben os fogares con todos desempregados

|

Antes do impacto do coronavirus, a taxa do paro en Galicia era do 11,74%. A pesar da mellora do último trimestre aínda está no 12,3%.


O número total de parados en Galicia é de 152,3 miles de persoas no trimestre 2 de 2021, o que supón un -3,79% respecto ao trimestre anterior. A taxa de paro é do 12,39%, -0,6 puntos porcentuais en relación a fai tres meses, segundo a Enquisa de Poboación Activa que elabora o Instituto Nacional de Estatística (INE).


Protestas contra despedimentos no Santander

Protesta de trabajdores do Banco Santander nunha foto de arquivo de EP. A banca é un dos sectores que máis emprego está a destruír.


O paro baixou en 5.900 persoas entre abril e xuño deste ano en Galicia, o que supón un 3,75% menos que no trimestre anterior, ata situar o total en 152.400 desempregados, segundo a enquisa de poboación activa (EPA) que publica este xoves o Instituto Nacional de Estatística (INE).



 

Este descenso intertrimestral, do 3,75%, é lixeiramente superior ao rexistrado polo conxunto estatal, do 3,01%. Mentres, en variación anual, do segundo trimestre de 2021 respecto ao mesmo período de 2020, hai 9.800 parados máis na comunidade galega, un 6,9% (tamén superior ao incremento do 5,22% da media).

Pola súa banda, a ocupación crece ata os 1.076.700 galegos, que son 17.000 máis que no trimestre anterior (+1,6%) e 26.300 máis que no segundo trimestre do ano pasado (+2,51%).

Tamén soben os activos, en 11.000 respecto ao primeiro trimestre (+0,91%, por baixo da media) e 36.200 en variación anual (+3,03%, case a metade que a media), ata 1.229.100 persoas.

A poboación galega de 16 anos e máis se reduciu en 700 persoas respecto ao primeiro trimestre pero incrementouse en 1.700 en comparación co segundo trimestre do pasado exercicio, de modo que se sitúa en 2.340.500 persoas.

TAXA DE PARO DO 12,4% PERO DO 13,6% PARA As GALEGAS
Neste escenario, a taxa de paro galega sitúase no 12,4% e a de actividade, no 52,51%. O desemprego rexistra unha taxa máis baixa para homes (11,27%) que para mulleres (13,61%).


 

 


De igual modo, a taxa de actividade é superior entre homes na comunidade galega, do 56,88%, que entre mulleres, que se sitúa no 48,51%.

No conxunto estatal, o paro alcanza unha taxa case tres puntos superior á global galega, do 15,26%. Tamén é superior a de actividade, que rexistra un 58,58%.

MÁIS OCUPADOS EN TODOS Os SECTORES SALVO O PRIMARIO
O Instituto Galego de Estatística (IGE) tamén publica este xoves cifras relativas á EPA, e así recolle que, segundo a actividade económica, o número de ocupados neste trimestre aumentou en todos os sectores, excepto no primario.

Na industria, incrementouse en 300 persoas respecto ao primeiro trimestre do ano, a construción rexistra un aumento de 8.000 traballadores e nos servizos a alza cífrase en 8.700 persoas.

Pola contra, na agricultura e na pesca produciuse unha caída na ocupación de 100 persoas.

Con respecto ao mesmo trimestre de 2020, a ocupación diminuíu en industria e sector primario (-8% e -0,3%, respectivamente), mentres que aumentou en servizos un 4,8% na construción un 8,8%.

TEMPORALIDADE DO 24,2%
En Galicia había 867.000 asalariados no segundo trimestre, 657.400 deles con contrato indefinido e os 209.600 restantes con contrato temporal.

Con respecto ao trimestre anterior rexístranse 4.400 asalariados máis indefinidos, o que supón un incremento de 0,7 puntos en termos relativos.

Os temporais tamén aumentaron, neste caso en 10.800, o que representa en termos relativos unha subida do 5,4% en comparación co primeiro trimestre.

En variación interanual, diminúen os indefinidos, mentres aumentan os temporais un 11,5%.

A taxa de temporalidade, calculada como a porcentaxe de persoas con contrato temporal sobre o total de asalariados, sitúase no 24,2%.

FOGARES SEN INGRESOS
No segundo trimestre, o número de fogares nos que todos os seus membros activos están en paro aumenta en 3.000 unidades, ata 58.100. Son un 1,8% máis respecto ao mesmo período de 2020.




 

Pola súa banda, os fogares en que todos os seus membros activos son ocupados aumentan en 13.000, ata 612.700, polo que son 7.700 máis que hai un ano, un 1,3% en termos relativos.

PARO XUVENIL DO 27,1% E TEMPORALIDADE DO 64,5%
Dos 320.300 mozos de entre 16 e 29 anos, 101.500 (o 31,7%) están ocupados, 37.700 (o 11,8%) parados e os 181.200 restantes (o 56,6%) restantes son inactivos.

 




 

A taxa de ocupación deste colectivo sitúase no 31,7% no segundo trimestre de 2021, co que aumenta 1,4 puntos respecto ao trimestre anterior, pero descende 0,3 puntos en relación ao mesmo período de 2020.

A taxa de paro xuvenil alcanza o 27,1% neste trimestre, de modo que diminúe 0,2 puntos respecto ao trimestre anterior. En comparación con 12 meses atrás, aumenta 1 punto.

No segundo trimestre de 2021, o 74,2% dos ocupados de entre 16 e 29 anos traballa a xornada completa, cifra que aumenta un 4,7% respecto ao primeiro trimestre. Mentres, os mozos ocupados a xornada parcial aumentan en 800.

En variación anual, cae a ocupación xuvenil a xornada completa (en 3.200 persoas) e aumentan os mozos ocupados a xornada parcial (en 2.900).

Dos 93.400 asalariados neste trimestre de entre 16 e 29 anos, o 35,5% está vinculado á empresa por medio dun contrato indefinido. Este dato diminúe un 13,3% respecto ao trimestre anterior e un 22,6% en comparación co mesmo período do ano anterior.

Os novos asalariados con contrato temporal aumentan un 19,4% respecto ao trimestre pasado e un 16,7% en comparación co mesmo trimestre de 2020.

Así as cousas, a taxa de temporalidade para este colectivo sitúase no 64,5%.

GRANDES CONCELLOS
Por último, se se comparan os datos dos sete grandes concellos, os que superan os 50.000 habitantes, obsérvase que Santiago e Lugo son os que presentaron as maiores taxas de ocupación (50,9% e 52,7%, respectivamente) e Ferrol é o que rexistra a menor (38,7%).

En canto a taxas de paro, Compostela é o municipio con menor valor (8,3%) e Ferrol volve presentar a taxa máis elevada, xa que alcanza o 17,6%.




Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress