Protestas feministas en Galicia polo asasinato de Anna e Olivia, as nenas de Tenerife, este venres

Varios colectivos sociais, como a Plataforma Feminista Galega (PFG), están a lanzar convocatorias de mobilizacións de condena polo asasinato de dúas nenas polo seu pai en Tenerife.

"Porque imos ás rúas a que se nos escoite dicir que non imos parar. Que non queremos que nos violenten máis. Que non queremos máis criaturas asasinadas. Tocan a unha, respostamos todas!", sinala o colectivo.  

A "convocatoria de urxencia" a diferentes horas da tarde hoxe venres nos lugares habituais das concentracións do movemento feminista. Por exemplo, a de Vigo será fronte ao museo Marco, segundo a convocatoria de a Plataforma de Feminismo Unitario desa urbe.

Esta é a lista de convocatorias recollidas pola redes sociais de PFG:

• A Coruña 20 h. Obelisco
• A Gudiña 20:30 h. Concello
• Ames 20 h. Praza da Maia
• Santiago de Compostela:
• 18 h. Praza 8 de Marzo (Convoca MaterFEM)
• 20:30 h. Praza 8 de Marzo
• Marín 20:30 h. Concello
• Sada 20 h. Praza da Peixaría
• Vigo 20:30 h. MARCO

É moi probable que ao longo do venres publíquense novas convocatorias. A Plataforma anima a acudir con instrumentos e cacerolas e lembra que é imprescindible usar máscara e manter 1,5 metros de distancia para previr contaxios de coronavirus.