Positivos covid disparados en Mos, Vigo segue con altibaixos e Ferrol preto da nova normalidade

Mos únese hoxe  a Lobios no nivel de risco máximo. Galiciapress usa esta denominación para clasificar os municipios que a Xunta pon cunha incidencia acumulada semanal superior a 250.

É a partir desta cifra que o Comité Clínico valora impoñer as máximas restricións, como as que sofre Lobios, perimetrado e sen hostalería. 

Limitacións que poderían caerlle a Mos tras a próxima reunión do Comité, o martes, se non consegue escapar deste nivel. Aínda que a incidencia semanal non é o único criterio que empregan os expertos para poñer restricións, si é un dos máis importantes.

O resto de denominacións do mapa de incidencia semanal que actualiza a diario Galiciapress proveñen dos criterios de o semáforo de alertas estatal. Coinciden tamén cos niveis que usa o SERGAS nos datos que actualiza a diario.  

Municipios cuxo cómputo de positivos no últimos sete días sobe hoxe respecto ao mesmo cómputo onte:

• Marín +1
• Nigrán +1
• Pontevedra +1
• Vigo +1
• Boiro +2
• Coruña (A) +2
• Culleredo +2
• Ourense +4
• Moaña +4
• Cangas +5
• Lugo +8
• Mos +8

Relación de concellos cuxo total de positivos na última semana baixa hoxe respecto a ese total onte:

• Redondela -4
• Ames -1
• Narón -1
• Ordes -1
• Santiago de Compostela -1
• Lobios -1
• Cambados -1
• Vilagarcía de Arousa -1

A evolución do cómputo de positivos semanais en todos os concellos de Galicia pode consultarse no buscador desta táboa:

COMPARATIVA DE CIDADES

Todas as cidades, menos unha, están en risco medio, tanto na escala semanal como na escala a 15 días. Por iso saen en laranxa no mapa de Galiciapress e en amarelo nos gráficos do doutor Luís Vázquez.

A única que dá a nota, e é unha nota positiva, é Ferrol. Ten menos de 25 positivos por 100.000 cidadáns á semana, o que lle permite estar en risco baixo, en amarelo no mapa e en verde nos infográficos do galeno.

A 14 días Ferrol é a única que baixa de 50, gozando así do risco baixo. O resto están todas bastante parellas ao redor dos 70-80 positivos, coa excepción de Vigo, única cunha incidencia bisemanal por encima de 100.

Como de mala é entón a situación en Vigo tras os brotes en dous barcos e os positivos entre traballadores de Carrefour? Non moi mala, pois está en risco medio desde unha perspectiva semanal e bisemanal. A curva a 14 días dinos, ademais, que, aínda que a melloría detívose, Vigo non parece estar a sufrir máis que unha tempada de altibaixos.

Nada que ver co seu veciño Mos, que o domingo tiña menos de 9 positivos e agora conta con 41, tras saltar un brote nun insitituto.

EVOLUCIÓN DOS CASOS ACTIVOS POR ÁREA

As curvas da evolución de casos activos tampouco acenden ningunha luz de alarma. Certo é que hai tempo que un distrito non logra unha tendencia claramente á baixa, salvo A Coruña, pero tampouco hai repuntes fortes que marcaron o inicio doutras ondas.

A nivel galego, os casos activos encadean tres xornadas consecutivas de tendencia descendente na Comunidade galega ao reducirse a 2.675, que supoñen 26 menos que a xornada anterior, ao haber máis altas (201) que contagios (176), aos que se suman un falecemento.

Por áreas sanitarias, as infeccións activas descenden en catro das sete: Pontevedra e O Salnés (-32), A Coruña e Cee (-15), Santiago e Baarbanza (-3) e Ourense (-1); mantéñense na de Ferrol; e aumentan nas de Lugo (+24) e Vigo (+1). 

ÚLTIMOS DATOS POR ÁREA

En canto aos contagios de Covid-19 detectados no conxunto de Galicia mediante calquera tipo de proba, descenderon lixeiramente a 176, tras repuntar a 183 a xornada anterior, despois de iniciar a semana con 107; subir a 116 o martes e a 128 o mércores.

Do total, 157 positivos foron confirmados por PCR nas últimas 24 horas --dez menos que a xornada anterior--, deles 65 corresponden á área de Vigo; 25, á de Lugo; 22, á de Santiago e Barbanza; 21, na da Coruña e Cee; 10, á de Ourense; nove, á de Pontevedra e O Salnés; e cinco, á de Ferrol. 

HOSPITALIZACIÓNS POR ÁREA SANITARIA

Segundo os datos actualizados na mañá deste venres pola Consellería de Sanidade con rexistros ata as 18,00 horas deste xoves, recollidos por Europa Press, descenden a 30 os pacientes Covid ingresados en UCI --dúas menos-- e a 116 os ingresados noutras unidades --12 menos--.

Por áreas sanitarias, a presión hospitalaria redúcese en seis das sete e soamente aumenta na de Ferrol, na que aínda que xa non hai pacientes en UCI --uno menos que a xornada anterior--, ascenden a cinco os ingresados noutras unidades --dúas máis--.

Mentres, na da Coruña e Cee aínda que seguen sete ingresados pola Covid en UCI descenden a 34 os doutras unidades --dúas menos--; así como na de Vigo, onde continúan oito en críticos e baixan a 32 os doutras unidades --uno menos--.

Na de Ourense proseguen tres pacientes en UCI e redúcense a oito os hospitalizados noutras unidades --dúas menos--; e na Santiago e Barbanza caen a catro o críticos --un menos-- e a 18 os ingresados noutras unidades --uno menos--.

Pola súa banda, na de Pontevedra e O Salnés seguen sete pacientes Covid en UCI e descenden a 13 os ingresados noutras unidades --seis menos--; mentres que na de Lugo mantense un en críticos e redúcense a seis os doutras unidades --dúas menos--.