Covid municipios: Ferrol e Santiago preto da nova normalidade mentres empeoran Cambados e Chantada

|

A maioría dos municipios do rural do interior de Galicia aguantan en nova normalidade, mentres a maioría das cidades segue en risco medio. 


A cor verde que empeza a deixarse ver por algúns tramos da costa, mesmo en os golpeados polo virus despois de Semana Santa. Por exemplo, O Grove e Sanxenxo, que chegaron a estar perimetrados, xa están no mellor dos niveis posibles.


As comarcas con máis problemas son Verín (con Laza en risco máximo e Monterrei en risco extremo), Arousa (con Cambados en risco máximo e Vilanova en risco extermo) e Santiago (con Padrón en risco extremo e Ames en risco máximo e subindo).



 

Municipios cuxo cómputo de positivos no últimos sete días sobe hoxe respecto ao mesmo cómputo onte:



  • Oleiros +1
  • Cangas +1
  • Ames +3
  • Padron +3
  • Ourense +3
  • Laza +6
  • Cambados +6
  • Chantada +7
  • Vigo +7


Relación de concellos cuxo total de positivos na última semana baixa hoxe respecto a ese total onte:


  • Coruña (A) -11
  • Marín -8
  • Vilagarcía de Arousa -8
  • Pontevedra -4
  • Santiago de Compostela -3
  • Lugo -2
  • Lalín -2
  • Porriño (Ou) -2
  • Ribeira -1
  • Moaña -1


A evolución dos positivos en todos os concellos de Galicia pode consultarse no buscador desta táboa:


COMPARATIVA DE CIDADES

O máximo para entrar no nivel de nova normalidade é 10 positivos por cada 100.000 habitantes. Unha incidencia acumulada da que nin Santiago nin Ferrol están lonxe. Santiago podería conseguilo mañá de acumular un descenso como o de hoxe.


Vigo segue sendo a urbe con peores niveis, a única en risco alto na escala a 14 días por ter unha incidencia acumulada de máis de 150.



Os datos de Vigo de hoxe son ambivalentes. Por unha banda, o cómputo semanal sobe en +7, pero o cómputo bisemanal aguanta á baixa:





EVOLUCIÓN DOS CASOS ACTIVOS POR ÁREA

O distrito sanitario de Vigo encadeara dous días seguidos de baixada de casos activos, o que alimentou as esperanzas de que alcanzase o pico da súa cuarta onda. Esperanzas que hoxe hai que poñer o dúbida, tras un significativo repunte, con 15 casos activos máis, ata 913. 


Aínda que todas as curvas tenden á alza, salvo a de Ferrol, a de Vigo segue sendo sen dúbida a máis preocupante:


En canto aos casos activos de Covid-19 a nivel galelgo, despois de dúas xornadas consecutivas en descenso aumentaron lixeiramente a 3.061 en Galicia, que supoñen 34 máis, ao haber máis contagios (189) que altas (155).

Por áreas sanitarias, as infeccións activas descenden lixeiramente en tres das sete: A Coruña e Cee (-2); Ferrol (-3) e Pontevedra e O Salnés (-5); mentres que soben nas outras catro: Ourense (+17), Vigo (+15), Lugo (+9) e Santiago e Barbanza (+3). 


ÚLTIMOS DATOS POR ÁREA

Os novos contagios de Covid-19 detectados con calquera tipo de proba han repuntado no ecuador da semana en Galicia, que comezou con 103, ata os 189, que supón 64 máis que os 125 rexistrados a xornada anterior.

Do total de positivos, 164 foron confirmados por PCR nas últimas 24 horas, 58 máis que a xornada anterior, dos que 64 corresponden á área de Vigo; 23, á da Coruña e Cee; 22, á de Ourense; 20, á de Santiago e Barbanza; 19, á de Pontevedra e O Salnés; 11, á de Lugo; e cinco, á de Ferrol. 



HOSPITALIZACIÓNS POR ÁREA SANITARIA

Os pacientes Covid ingresados en UCI soben a 48 --un máis que onte--, mentres que os que permanecen noutras unidades descenden a 152, que supoñen 13 menos.

Por áreas sanitarias, a presión hospitalaria descende en cinco das sete: A Coruña e Cee, Vigo, Lugo, Santiago e Barbanza e Pontevedra e O Salnés; mentres que aumenta na de Ferrol e mantense na de Ourense.

En concreto, na da Coruña e Cee descenden a 10 os pacientes Covid en UCI --uno menos-- mentres que seguen 46 noutras unidades; na de Vigo soben a 13 o críticos --un máis-- e baixan a 30 os doutras unidades --dúas menos--.

Pola súa banda, na de Santiago e Barbanza descenden a catro os pacientes en UCI --uno menos-- e a 24 os doutras unidades --uno menos--; e na de Lugo seguen tres en críticos e caen a sete os doutras unidades --tres menos--.

En canto á de Pontevedra e O Salnés soben a oito os pacientes ingresados por este coronavirus en UCI --uno máis-- e descenden a 20 os doutras unidades --sete menos--. Polo seu lado, na de Ourense ascenden a oito o críticos --un máis-- e baixan a 17 os doutras unidades --uno menos--.

Finalmente, a área de Ferrol segue con dúas persoas ingresadas pola Covid-19 en UCI e rexistra un incremento a oito dos pacientes que permanecen noutras unidades de hospitalización --uno máis--. 

XS2z7 incidencia covid a 7 d as por municipios de galicia


Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress