A Deputación ofrécese a axudar para a organización das finais de Copa de Hóckey na Coruña

Valentín González Formoso, presidente da Deputación, recoñeceu ao Hóckey Club Liceo como "un auténtico embaixador da cidade e da provincia da Coruña".

González Formoso visita ao Liceo | Foto: EP

O presidente da Deputación da Coruña, Valentín González Formoso, e a deputada de Deportes, Cristina Capelán, visitaron este luns, no Palacio dos Deportes de Riazor, ao Hóckey Club Liceo, onde mantiveron un encontro co presidente da entidade, Daniel Etcheverría, o director deportivo, José Luis Huelves, e os xogadores.

Valentín González Formoso trasladou ánimos aos xogadores, que esta fin de semana despediu as súas aspiracións europeas tras perder co Benfica de Lisboa, á vez que ofreceu o apoio da Deputación para a organización da Copa do Rey e da Raíña de Hóckey, que se celebrarán na cidade herculina entre o 10 e o 13 de xuño.

Será coincidindo tamén co 50 aniversario do recinto deportivo, que será a cuarta vez que acolla este torneo celebrado tamén na Coruña en 1964, 1984 e 2009.

González Formoso destacou a traxectoria do club deportivo, cun palmarés que inclúe varios campionatos de Europa e que é, dixo, "un auténtico embaixador da cidade e da provincia da Coruña". O ano pasado, a institución provincial apoiou a actividade do club con 80.000 euros.