Un clásico vibrante marcado pola choiva e un golazo de Benzemá: Real Madrid 2 - 1 FC Barcelona

Benzemá marcou pronto o primeiro gol de tacón tras un desborde pola banda do galego Lucas Vázquez

O Real Madrid venceu este sábado ao FC Barcelona (2-1) na 30ª xornada de LaLiga e colocouse como líder momentáneo á espera de ver o que fai o Atlético de Madrid fronte ao Betis. Tres puntos que os fai ter un total de 66 e que deixaron ao Barça a un por baixo, sen depender aínda deles mesmos na seguinte xornada.

O MADRID DESBORDA Ao BARÇA

O Clásico deu comezo ás 21:00h no estadio Alfredo Dei Stéfano de Madrid e nel púidose ver a un Real Madrid que foi superior ao seu rival, aínda que o Barça fose de menos a máis. O primeiro tanto do encontro chegou por parte de Benzema. Lucas Vázquez puxo en centro na área e o francés meteu o balón na portería de Ter Stegen cun gran taconazo.

Ese soamente foi o primeiro aviso, porque o conxunto dirixido por Zidane poñía nun aperto ao Barça cada vez que saía co balón á contra. Os brancos eran máis rápidos, sobre todo grazas a Valverde e Vinícius que corrían polas bandas. E lograron impoñerse ante a defensa formada por tres centrais que leva usando moitos partidos Koeman.

No minuto 27 chegou o 2-0, que puxo máis contra as cordas aínda aos azulgranas. Vinicius deixou atrás a Mingueza e atopouse co recentemente chegado ao once Araújo, que o derrubou moi preto da área. Kroos foi o encargado de lanzar o tiro directo e fíxoo de maneira moi centrada, pero a pelota deu nas costas de Dest e desviouna, facendo imposible para Ter Stegen detela.

Despois chegaron un par de xogadas de perigo máis por parte de ambos os equipos. Dous chuts ao pau, un do FC Barcelona e outro do Real Madrid e unha xogada de Messi ben puideron subir máis goles ao marcador. Pero o Barça tivo que esperar á segunda metade para ver porta, algo que non foi suficiente para rascar aínda que fose un punto.

O BARÇA BUSCA O EMPATE

Na segunda metade entrou Griezmann por Dest e isto obrigou aos de Luís Enrique a cambiar un pouco a súa estratexia. De nada serviulles: o Madrid buscaba espazos, encerrábase algo máis atrás froito do cansazo pero aproveitaba calquera ocasión para correr polas bandas e crear xogadas de perigo.

Puido marcar o terceiro Benzema tras un roubo de balón de Casemiro e tamén con outro tiro desde a frontal da área que se lle foi desviado. Pero finalmente foi Mingueza o que marcou un gol e recortou distancias. Jordi Alba puxo un centro ao que non chegou Griezmann pero se o defensa, que puido rematalo e superar a Courtois.

Desde entón o Barça veu un pouco arriba, presionou máis e creou máis perigo. Pero nin os ocos que atopaban polas bandas Jordi Alba e Dembélé, nin as faltas directas que lanzou Messi nin un remate final que terminou no traveseiro xa no desconto foron suficientes.

O Barça non puido marcar o gol do empate e finalmente foi o Real Madrid o que levou os tres puntos dun gran Clásico repleto de oportunidades de gol. Un partido emocionante que deixou aos brancos como primeiros clasificados da táboa, aínda que sexa de forma momentánea.

FICHA TÉCNICA

Real Madrid: Courtois, Lucas Vázquez (Odriozola 42'), Militao, Nacho, Mendy; Casemiro, Modric, Kroos (Isco 72'); Valverde (Asensio 60'), Benzema (Mariano 72') e Vinicius (Marcelo 72').

FC Barcelona: Ter Stegen, Dest (Griezmann 46'), Mingueza, Araujo (Ilaix Moriba 72'), Lenglet, Alba, Busquets (Sergi Roberto 64'), De Jong,  Pedri (Trincao 80'), Messi e Dembelé (Braithwaite 80').

Goles: 1-0 (13') Benzema; 2-0 (27') Kroos; 2-1 (60') Mingueza.

Árbitro: Gil Manzano.