As tendas de H&M en Ourense, Vigo e Ferrol están na corda frouxa e preto do peche, alerta CIG

O sindicato advirte que o ERE que expón a compañía afectará a tres establecementos en Galicia. 

Nesa liña, desde a CIG critican o "salvaxe despedimento colectivo" que programa a empresa e que podería deixar sen emprego a 1.100 traballadores. 

Tenda de H&M | Foto: EP

A CIG alerta de que H&M pretende pechar tres tendas en Vigo, Ourense e Ferrol no marco do ERE anunciado pola empresa para todo o país.

Nun comunicado, carga contra o "salvaxe despedimento colectivo" anunciado o martes para todo o Estado, que afectará a un máximo de 1.100 empregados. Entre outras cuestións, H&M prevé o peche de 32 tendas.

A CIG chama a atención sobre o caso do establecemento de Ourense, situado na céntrica Rúa do Paseo, que vai clausurar a pesar de contar con beneficios.

Así, considera que é "absolutamente inxustificado" o peche da tenda en Ourense, na que traballan 18 persoas. A CIG avisa de que prepara mobilizacións e mantense en contacto cos traballadores para a súa organización.