A maior caída de casos activos en Galicia desde o 13 de marzo ten truco: o día con menos PCR desde agosto
A comunidade experimenta a maior caída de casos activos en tres semanas con 83 casos activos menos en 24 horas. Con todo, esta caída nos casos activos na comunidade esconde a maior caída de test PCR realizados desde o 18 de agoso cando se fixeron 1.678 test: onte foron 2222.
A comunidade experimenta a maior caída de casos activos en tres semanas con 83 casos activos menos en 24 horas.
Con todo, esta caída nos casos activos na comunidade esconde a maior caída de test PCR realizados desde o 18 de agoso cando se fixeron 1.678 test: onte foron 2.222.
O Venres Santo deixou a maior caída de casos activos desde o 13 de marzo e deixa á comunidade con 2.223, 83 casos menos que onte. Non había tan poucos desde o 21 de agosto, pero tampouco se fixeron tan poucas PCR desde o pasado verán. Con apenas 2.222 test en 24 horas, o número de probas realizadas esborrállase na comunidade. De xoves a venres o cambio foi de 3.227 análise menos.
Con todo, as PCR destaparon 90 novos positivos. A positividade disparouse ata o 4,05%, a máis alta desde o 26 de febreiro. A positividade media semanal sobe 0,25 puntos. O indicador que si cae é a incidencia acumulada: a sete días é de 30,3 casos por cada 100.000 habitantes; a 14 días son 59,2 casos por cada 100.000 habitantes.
A caída de casos activos tamén supón unha caída de a media móbil semanal, que mellora un 0,2% con respecto a onte, pasando do -0,6% ao -0,8% de hoxe. A tendencia segue sendo boa, aínda que a un ritmo lento. Con todo, é probable que tras a Semana Santa a tendencia cambie definitivamente e signifique o rebote da comunidade.
PRESIÓN HOSPITALARIA
A mellor noticia desta xornada é que por terceira vez no que vai de ano non hai que lamentar novos falecidos. As cifras oficiais da Xunta de Galicia reflicten 2.344 vítimas de coronavirus desde o estalido da crise.
Onte recibiron o alta médica 191 pacientes de Covid-19 e a presión hospitalaria rebaixouse en dúas persoas menos nas áreas de pacientes con coronavirus, que aínda ten 180 camas ocupadas. É a segunda caída no que vai de semana.
Escribe o teu comentario