Abanca cobra irregularmente o 90% das súas comisións, segundo despréndese das queixas ante Consumo

|

A Xunta recoñece no Parlamento que deu a razón a máis de 390 clientes das antigas caixas que reclamaron por comisións abusivas


Iso si, a Administración evita manchar o nome da entidade e o director xeral non pronuncia a palabra "Abanca" na súa comparencencia


O Instituto Galego de Consumo mediou en 440 reclamacións pola cobranza de comisións bancarias e o 90% delas resolvéronse a favor do cliente, segundo informou o director xeral de Comercio, Manuel Heredia.


Un home pasa á beira dunha sucursal de Abanca, en Madrid, (España), ao 10 de setembro de 2020



Na comisión de economía do Parlamento, lembrou que en xullo a Xunta trasladou a súa preocupación ao Banco de España "dado o especial contexto" como consecuencia da crise da covid.

"Mantivemos unha reunión coa entidade bancaria implicada para mediar", sinalou a continuación, sen citar a Abanca. A "preocupación" do Goberno galego centrábase en especial en "os clientes máis vulnerables".


Xa no outono, a Xunta indicou que "todas" as reclamacións que chegaron desde o Instituto Galego do Consumo polas comisións abusivas de Abanca, que cobran aos seus clientes 100 euros ao ano polo mantemento das súas contas, resolvéronse a favor dos afectados.


O PSOE inció en setembro una ofensiva contra estas cobranzas. "Este tipo de comisións non se negociaron co cliente, non figuran contractualmente e son impostas de forma bilateral por Abanca, ademais de que non foron notificadas en moitos casos", apuntaban os socialistas.  Antes, a Asociación Galega de Consumidores e Usuarios e o Sindicato Labrego Galego  presentaron máis de 124.000 firmas ante a entidade bancaria contra a cobranza destas comisións.


Hoxe Heredia achegou os datos de mediación en 440 reclamacións e o 90% delas resoltas a favor do consumidor. 

CAMBIO DE CRITERIO

Así mesmo, reivindicou que en xaneiro "por iniciativa da comunidade autónoma de Galicia" o Ministerio de Consumo e as comunidades acordaron un "criterio único que considera inxustificado que unha entidade bancaria modifique as condicións do contrato de forma unilateral ou con fin de cobrar comisións se a oferta comercial inclúe as expresións 'sen gastos' e 'sen comisións', tal e como expuña Galicia".

Ese, segundo resaltou o director xeral na comisión, será o "criterio único que servirá de base para resolver as reclamacións" nesta materia.

O BLOQUE QUÉIXASE DE MAN BRANDA

Pola súa banda, a deputada do BNG Noa Presas, quen lle preguntou sobre estes "abusos", lamentou que as entidades estean a utilizar "a coartada da covid" para implantar novas condicións, e reclamou "máis contundencia e máis actuación" por parte da Xunta.

Pola súa banda, a socialista Begoña Rodríguez Rumbo cuestionou na mesma comisión pola "baixa execución orzamentaria" dos créditos consignados polo Igape para os anos 2016-2019.


EXECUCIÓN DO IGAPE 


O seu director, Fernando Guldrís, explicou que o Igape "na medida das súas posibilidades téntase adecuar ao ritmo no cal os proxectos se executan", e que "por iso unha parte importante das actuacións diríxense a iniciativas cun marco de execución plurianual".

Ademais, engadiu que "é habitual que as empresas soliciten ampliacións de prazo" e por todo iso concluíu que "para avaliar o grao de execución hai que tomar os datos de varios exercicios", debido a que, "pola contra, desde o punto de vista técnico estaríase a facer unha análise nesgada".

A modo de balance, apuntou aos "máis de 660 millóns de euros comprometidos polo Igape" no período 14-20, o que lanza unha media de 94 millóns anuais.

En 2020 son, de acordo cos seus datos, "máis de 150 millóns comprometidos para axudar a facer fronte fundamentalmente á crise da covid".

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress