Beatriz Mato (Greenalia) presenta un plan para un parque eólico mariño en Galicia e pide menos papelada

|

O parque tería 50 megawatios e sería o primeiro en operar en Galicia, de conseguir superar as sucesivas cribas dos proxectos que se están presentando aos fondos Next Generation.


Greenalia xa participa neste "nicho" de mercado en expansión, a través de cinco parques en construción nas Illas Canarias. En Galicia aínda non se empezou a desenvolver, en parte porque a plataforma continental costeira non é especialmente adecuada debido á súa profundidade e en parte pola necesidade de regulalo para que non prexudique á pesca.


A ex-conselleira de  Medio Ambiente da Xunta chama ás institucións a que garantan o marco regulatorio no que se moven compañías como Greenalia. Ademais, pídelles un esforzo para alixeirar a carga burocrática que soportan, por exemplo, á hora de estudar o impacto ambiental.



A ex conselleira Beatriz Mato agora directiva en Greenalia participando no foro de Asime

A ex conselleira Beatriz Mato agora directiva en Greenalia participando no foro de Asime 


A compañía Greenalia avanza os seus plans para presentarse aos fondos 'Next Generation', marco no que propoñerá a súa proposta para o desenvolvemento de eólica mariña flotante na costa galega.

Para iso, xa presentou formalmente ante o Ministerio de Transición Ecolóxica e Reto Demográfico o manifesto de interese que recolle esta proposta, onde destaca o "alto potencial" que teñen as augas de Galicia para a instalación de plataformas flotantes que permitan o aproveitamento do "alto recurso eólico" coa "mínima afectación" ao área mariña.

PRESENTACIÓN A CARGO DA EX-CONSELLEIRA DE MEDIO AMBIENTE
A directora de Desenvolvemento Corporativo E Sustentabilidade de Greenalia, Beatriz Mato, destacou no foro de fondos de recuperación organizado por Asime na Coruña as posibilidades que se abren á industria para "converterse en provedor de referencia de servizos asociados á eólica mariña a nivel internacional, o cal supoñería unha oportunidade sen precedentes para a internacionalización do sector industrial".



Durante a súa intervención resaltou que os parques mariños nestas zonas poden ter ata un 60% máis que os terrestres, polo que viu clave aproveitar esta posición para convertirse en "referencia deste sector".

PIDE MENOS BUROCRACIA Á Xunta

Greenalia subliña que a eólica mariña flotante é "a día de hoxe un dos nichos de mercado máis esperanzadores para este país", aínda que, segundo Matogueira, "será máis necesario que nunca que exista unha férrea vontade política para conseguir simplificar a burocracia, sempre cumprindo coa normativa, pero sendo máis áxiles".

A iso engadiu a necesidade de facer todos os trámites necesarios con dilixencia para poder chegar "en tempo e forma" para a obtención e execución dos fondos europeos. 

 



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE