Ningún positivo entre os preto de 2.000 universitarios testeados do campus de Lugo
O xerente da área sanitaria de Lugo, Ramón Ares, destacou que no cribado realizado no campus de Lugo para detectar casos de Covid-19, dos case 2.000 estudantes que se someteron ás probas de "antígenos" todos deron negativo nos dous días que se realizaron as probas.
O cribado, ao que asistiu máis do 50% do alumnado, non lanzou nin un só caso positivo de coronavirus.
As probas de antígenos non detectaron novos casos nunha comunidade educativa que retomou as clases presenciais esta semana.
O xerente da área sanitaria de Lugo, Ramón Ares, destacou que no cribado realizado no campus de Lugo para detectar casos de Covid-19, dos case 2.000 estudantes que se someteron ás probas de "antígenos" todos deron negativo nos dous días que se realizaron as probas.
Este cribado arrincou o luns e concluíu este martes. Foron citados "1.748 alumnos, acudindo 937 que supón unha porcentaxe do 53,6 por cento de asistencia e dos 937 todos lanzaron resultados negativos", sinalou o xerente.
Nestes dous días chamouse á totalidade dos universitarios matriculados no campus lucense, un total de 3.483 e sometéronse á proba PCR 1.991, que representa o 57,5 por cento do corpo de estudantes do campus.
O resultado final, deses 1.991 estudantes de Lugo que se presentaron a estas probas o luns e o martes, que "non son obrigatorias", subliñou o xerente, saldouse con todos "negativo".
Escribe o teu comentario