Covid Galicia: a melloría segue pero perde rapidez e a letalidade alcanza o récord desde primavera

|

As últimas cifras do coronavirus en Galicia afianzan a melloría. Ademais, non hai indicios de rebote, aínda que si desaceleración da caída dalgúns indicadores. 


Por exemplo da curva da incidencia acumulada semanal. Segue baixando, en parte grazas a os  223 novos positivos, pero cae máis amodo desde hai unha semana. Onte descendeu de 70 a 68 positivos por cada 100.000 galegos.


A súa irmá maior, a incidencia acumulada bisemanal pasa de 194 a 178 diagnósticos por cada 100.000 galegos. O descenso iniciado a principio de mes continúa, aínda que tamén de maneira un pouco máis lenta.





A que está a baixar de forma constante é a taxa de positividade, a pesar de que o SERGAS realiza moito menos test que o pico. Hoxe, grazas en parte ao recente 3,5%, a media semanal colócase no 3,7% de test positivos, o mellor rexistro desde Noiteboa. 


Galicia xa está no nivel de risco baixo de acordo ao semáforo de alertas estatal, pero só no que á positividade das probas diagnósticas refírese. A incidencia bisemanal sitúanos en risco alto e a incidencia semanal en risco medio.


Br




EVOLUCIÓN DO CAMBIO DE CASOS ACTIVOS

A derivada da curva do total de infectados indícanos se a pandemia gaña ou perde terreo e do ritmo do seu avance ou retirada. Ao estar a media semanal en algarismos negativos comprobamos que o covid-19 segue retrocedendo. 





Con todo, dado que a curva hase aplanado, isto implica que esa retirada realízase a un ritmo constante, non a un ritmo maior cada día, como ao comezo da melloría. Así, a media móbil a 7 días da porcentaxe de cambio diario leva catro días estabilizada no rango entre  -6,4 e  -6,6%.  Desgraciadamente, pronto empezará a tender a cero, pois encadeamos a cuarta xornada consecutiva na que a porcentaxe de redución de infectos diminúe.


CONCLUSIÓNS

Con todas estas gráficas á nosa disposición, podemos concluír que:


  • A pandemia continúa perdendo terreo cada día. A súa retirada está a ser máis veloz que a doutras ondas.
  • O ritmo de retirada do virus é rápido, pero deixou de acelerar. De feito, hai indicios claros que a melloría empezou a frearse.
  • Con todo, este dato por se só non implica que esteamos en vésperas dun rebrote. A caída da taxa de positividade pese ao menor número de PCRs así o confirma. Simplemente significa que a melloría non vai ser tan rápida como ata o de agora. 
  • Isto é algo lóxico, dado que cada vez quedan menos enfermos para darlles o alta. No pico houbo do 29 de xaneiro había uns 26.000 e hoxe quedan uns 7.300 casos activos.
  • A única mala noticia das cifras de hoxe é a evolución da taxa de letalidade. Nos últimos 30 días é do 3,31%, algo nunca visto en Galicia desde a primeira onda. Un dato que confirma o papel que xa está a xogar a cepa británica, máis letal. Nos últimos días faleceron varias persoas de 40 e 50 anos, algunhas sen patoloxías previas.


ÚLTIMOS DATOS POR ÁREAS

A curva de casos activos segue baixando en todas as áreas. Ferrol, Lugo, Santiago, Ourense e Pontevedra xa están por baixo dos 1.000 infectados, Vigo por baixo dos 2.000 e A Coruña é a única que queda por encima dos 3.000.





Cuarto día consecutivo que ningunha área suma máis de 100 positivos e só unha, Coruña, suma máis de 50, 58 en concreto. Segundo día consecutivo que Ourense non suma máis de 10 casos. Máis información en detalle da evolución do covid-19 a nivel municipal e de distrito sanitario nuns minutos en Galiciapress.






Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress