Un aparatoso incendio destrúe unha nave dedicada á reciclaxe do polígono de Vilar do Colo en Cabanas
O lume declarouse á primeira hora desta mañá e as chamas calcinaron todo o que permanecía no seu interior.
Os labores para a extinción do incendio son complexas polos materiais que se almacenaban na nave.
Incendio da planta de Cabanas | Foto: EP
Un incendio que se declarou sobre as 7,15 horas deste luns, 15 de febreiro, nunha nave situada no polígono de Vilar do Colo, no municipio de Cabanas (A Coruña), calcinou todo o que se atopaba no seu interior.
O lume afectou ás instalacións da sociedade Ecoxestión de subproductos S.L., dedicada á reciclaxe, entre outros materiais de plásticos, o que dificulta os labores.
Ao lugar, acudiron Bombeiros de Ferrol, GES de Mugardos e Bombeiros do Eume, ademais de Servizo de Prevención, Extinción de Incendios e Salvamento (SPEIS) de Narón, que enviou á zona uno dos seus camións escaleira.
Tamén se desprazaron á zona do incendio, na rúa Xetal deste enclave industrial, axentes da Garda Civil.
Escribe o teu comentario