Educación promete 5.000 prazas nas oposicións docentes para 2021 e 2022

Máis de 25.000 persoas presentáronse ao proceso selectivo para as diferentes prazas. onvocadas convocadas este ano. Para o próximo  acumularanse coas que se convoquen para 2.022, di o conselleiro.

A Consellería de Cultura, Educación e Universidade anunciou unha nova oferta pública de emprego con polo menos 1.500 prazas docentes. "Sumadas ás 3.600 xa convocadas, suman máis de 5.000 prazas xa comprometidas para os anos 2021 e 2022", promete o Goberno. 

NON SE AMPLÍA PERSOAL

Estas cifras, que se buscan compensar esencialmente as xubilacións rexistradas no sistema educativo, acumularanse nun único proceso selectivo xunto coas correspondentes ao ano 2022 e que se celebrará ese mesmo exercicio.

Así o avanzou o titular do departamento autonómico, Román Rodríguez, durante a súa comparecencia para informar dos orzamentos da Consellería para o próximo ano, que ascenden a 2.698 millóns de euros e sobe un 6,60 por cento.

O mandatario tamén anuncia a creación dun hub das industrias creativas galegas coa participación do sector, protexendo as estruturas empresariais e o acceso da cidadanía á cultura.