Datos coronavirus Galicia: Ourense, Santiago e Ferrol levan semanas á baixa, o resto de áreas aínda non

As últimas cifras do coronavirus en Galicia son esperanzadoras. As medias semanais que miden as tendencias volven a caer, tras un inicio de semana preocupante. Con todo, a situación é bastante dispar en función das áreas sanitarias, como demostran os 125 novos contagios detectados onte na Coruña ou o 20% de positividade onte en Ferrol.

Os 457 novos diagnósticos comunicados hoxe son menos que os 489 comunicados o pasado domingo.  A incidencia acumulada baixa moi pouco, pero baixa á fin e ao cabo. De 138 a 137 positivos por 100.000 galegos á semana. Segundo día consecutivo que cae. 

Abrindo o foco a dúas semanas, a incidencia acumulada tamén descende. Lévao facendo desde principios de novembro, aínda que o repunte de positivos de principios de semana case provoca un rebote. 

A media móbil semanal da taxa de positividade non baixa, é o único indicador que non descende, pasa de 7,3% a 7,4%. A culpa non é da última cifra, un 6,9%, senón dos malísimos datos das tres últimas xornadas, sobre o 8% ou máis. 

Debeuse ese repunte na positividade e no número de contagios a principios de semana a que o SERGAS realizase máis ou menos test? Non, a cifra de PCR diarios non se move moito, leva unha semana nun rango de 7.100 - 7.500 ao día, en concordancia coa súa media móbil semanal.

MÁIS ALTAS QUE DIAGNÓSTICOS, PERO AÍNDA POUCA DIFERENZA

A nivel galego os casos activos baixan a 8.828, que son 150 menos que onte, un - 1,7%. Ampliando o foco a unha semana, vemos que de media están a caer os enfermos un 0,9% cada día. 

Este indicador empeorou notablemente esta semana (chegou ao -1,4%) a anterior. Este empeoramento lémbranos que a mellora que Galicia está a lograr en novembro é aínda moi feble.

DATOS POR ÁREAS

Os principais problemas esta semana  proveñen das áreas sanitarias da Coruña (125 diagnósticos hoxe) e Vigo (80 hoxe). Pola contra, a mellora na área sanitaria de Ourense segue sendo notable, con só 40 novos positivos.

Segundo os datos actualizados este domingo pola Consellería de Sanidade, con cifras solicitadas ata as 18,00 horas do sábado, a área coruñesa convértese no principal foco con 125 novas infeccións detectadas, 15 máis que un día atrás.

Tamén respecto onte, os novos positivos baixaron de maneira importante nas áreas sanitarias de Vigo, de Pontevedra-O Salnés e de Santiago-Barbanza. Con todo, producíronse pequenos repuntes nas áreas da Coruña-Cee, Ferrol, Ourense-Verín-O Barco e Lugo-Monforte-A Mariña.

Subiron Ferrol, ata os 51 positivos diarios (+16), e Ourense, ata os 40 (+6). Pola súa banda, Lugo mantense estable con 56, o que con todo implica un lixeiro aumento dun caso con respecto aos notificados o día anterior.

No lado oposto, a área sanitaria de Vigo pasa á segunda posición das infeccións en 24 horas, ao caer en máis do dobre e colocarse nas 80 (-91). Tamén baixaron na de Pontevedra, con 51 novos contagios rexistrados (-36) e en Santiago, con 54 (-15). 

Todas as áreas sanitarias fóra da de Santiago (4,3%) superan o limiar do 5% de PCRs positivas. A de Ferrol é a que rexistra a maior positividade, que se dispara ao 20,8%, e séguenlle Lugo (8,9%), A Coruña (8,2%), Vigo (5,8%), Ourense (5,8%) e Pontevedra (5,7%).  O 5% é o máximo que estima a OMS para poder considerar un foco en vía de control.

 
CASOS ACTIVOS
En canto aos casos activos --persoas que aínda están diagnosticadas da enfermidade--, este domingo baixaron en 150, ata colocarse no total de 8.828. En concreto, os pacientes de covid-19 caeron en todas as áreas sanitarias excepto na de Ferrol, onde subiron en 14 e sitúanse nos 675. 

Con todo, abrindo o foco e en termos xerais, as curvas de casos activos de Ferrol, Ourense e, en menor medida, Santiago son as únicas que mostran unha tendencia claramente á baixa. O resto leva desde principio de mes con vaivéns, sen unha tendencia clara.

 
A área que reúne a maior cifra de casos activos da enfermidade é Vigo, que este domingo notifica 2.320, aínda que son 68 menos que o sábado. Tamén anotaron descensos as áreas da Coruña-Cee, con 1.842 (-12); e Pontevedra-O Salnés, con 1.235 (-7).

Ademais, baixaron os pacientes de covid-19 en Lugo-Monforte-A Mariña, ata os 1.117 (-22); en Santiago-Barbanza, que caen do milleiro e sitúanse en 975 (-30); e en Ourense-Verín-O Barco, que rexistra 664 casos activos (-25). 

HOSPITALIZACIÓNS

Na fronte hospitalaria, segue habendo preocupantes, sobre todo nas UCIs. Segue habendo moitos pacientes críticos, 100, só un menos que onte a pesar dos cinco falecementos. Hai áreas sanitarias demsiado preto da súa capacidade máxima. Por exemplo, Ferrol ten 14 camas de UCI estándar, e hai 12 enfermos críticos alí.

Menos preocupante parece a cifra de 439 hospitalizados con covid. Supón só o 6,5% do espazo dispoñible. A mellor noticia é que esta porcentaxe leva catro días seguidos baixando, algo que non sucedía desde os esterteros da primeira onda alá por primavera. 

Dado que a serie hospitalizacións é un indicador máis fiable que a curva de novos contagios, confírmanse as indicacións de que Galicia dobrou a curva desta onda. Con todo,  o seu descenso en moi recente e tenue, polo que aínda podería haber malas noticias. Como as do principio desta semana, por ejmplo.

 

CURADOS E FALECIDOS
Así as cousas, os datos actualizados por Sanidade este domingo indican que o total de contagios desde o inicio da pandemia en Galicia ascende xa a 49.159, dos que se curaron 39.196 persoas, 609 nas últimas 24 horas.

Con todo, continúan á alza as vítimas mortais diagnosticadas de covid-19, que este domingo sitúanse en 1.137 tras notificarse este viernes 5 novos falecementos, dos que un estaba relacionado cunha residencia de anciáns.