"Aquí hai que traballar e dar ao cento por cento" di a alcaldesa despois de cesar a unha concelleira afín a Caballero

|


A crise interna do PSOE na Coruña non pon en principio en risco a estabilidade do executivo local. Fuentes de concello xustifican o cesamento de Acón pola súa suposta "nulo" labor para o Concello. A cesada alega que é unha vinganza por pedirlle á alcaldesa que pagase os seus compromisos co partido. De fondo está a loita entre a dirección coruñesa e a galega que encabeza Gonzalo Caballero. 


Rey e Acu00f3n no centro da imaxe un pasado acto no concello da Coruu00f1a


Rey e Acón no centro da imaxe un pasado acto no concello da Coruña  


A alcaldesa da Coruña, Inés Rey, asegurou que "a dedicación ás tarefas de goberno non é negociable" tras destituír á secretaria local do PSOE, Eva Martínez Acón, das súas responsabilidades como edil de Innovación, Industria, Consumo e Emprego.

"NULO" LABOR PARA O CONCELLO
"O meu compromiso e o do goberno municipal é traballar polo interese dos coruñeses e as coruñesas", manifestou en declaracións aos medios tras participar nun minuto de silencio na Praza de María Pita e despois de que o martes fontes do goberno local vinculasen o cesamento da edil á súa "nula" dedicación ao traballo de goberno.

Neste sentido, preguntada polos motivos da súa decisión, a rexedora limitouse a dicir que o seu "equipo de goberno ten un compromiso firme coa cidade". "Aquí hai que traballar e dar ao cento por cento da nosa capacidade para mellorar a vida dos coruñeses", afirmou.

Ademais, sinalou que "a dedicación ás tarefas de goberno non é negociable nin é cuestionable". "Iso pedinlle eu aos concelleiros e así o demostramos durante todos estes meses. Esta é a decisión, está tomada e non teño máis nada que comentar respecto diso", expresou.

A DESPEDIDA FALA DUNHA VEGANZA
Con todo, Eva Martínez Acón, próxima ao líder do PSdeG, Gonzalo Caballero, atribuíu o seu cesamento ao feito de que reclamase á rexedora o pago das cantidades que esta e outros edís municipais "debían" ao Partido Socialista nun momento no que a agrupación local atravesa unha situación económica complicada que, segundo indicou, mesmo motivou que non puidese pagar o aluguer da súa sede durante varios meses.

UNHA POLÍTICA PRÓXIMA A GONZALO CABALLERO

A decisión de Inés Rey de apartar a Martínez Acón prodúcese nun contexto de diferenzas entre partidarios de Gonzalo Caballero e próximos á dirección provincial do PSOE que se remonta xa a antes das eleccións municipais.

Así, mentres que Eva Martínez Acón é unha dos principais apoios do actual secretario xeral do PSdeG, Inés Rey é próxima á dirección provincial do partido, cuxo responsable de Organización, José Manuel Lage Tuñas, forma parte do goberno local.

Estas discrepancias xa se deixaron sentir na configuración da lista para os comicios locais por parte do PSOE coruñés. En concreto, a rexedora, que se impuxo nas primarias, foi reticente á incorporación de Eva Martínez Acón, que fora a máis votada pola asemblea local. Con todo, finalmente, esta ocupou o número cinco da candidatura.

COMPOSICIÓN DA CORPORACIÓN
Ata o momento, Inés Rey, gobernou en minoría con acordos puntuais coas restantes forzas de esquerda e o apoio da que era edil de Cs, Mónica Martínez, quen se deu de baixa da formación laranxa e incorporouse ao goberno municipal.

Nos comicios de maio de 2019, o Partido Socialista logrou nove concelleiros, os mesmos que o PP nunha corporación conformada por 27 edís --seis son da Marea Atlántica, dúas do BNG e un de Cidadáns--.


Con estas cifras sobre a mesa, no improbable caso que Acón sumase forzas co PP, os conservadores seguirían sen socios suficientes para cuestionar o goberno do PSOE. Ao incorporar o apoio da ex-concelleira de Cidadáns, a Rey séguelle chegando con aliarse coa Marea para ter 14 votos cos que sacar adiante as votacións nas que se requira maioría absoluta.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress