Sanxenxo entra en alerta vermella e Sada, Mugardos, Cabana, Oroso e Ribeira en alerta laranxa pola alza do coronavirus

|

A Cañiza, que sae de alerta vermella, é un dos poucos municipios que mellora no país hoxe. A Baixa Limia, Terra de Caldelas, Meira e Ou Courel están entre as escasas comarcas galegas sen ningunha alerta.


Os municipios galegos en alerta vermella pola incidencia da Covid-19 mantéñense este xoves en 47, os mesmo que a xornada do mércores, tras saír da lista A Cañiza --que pasa a nivel laranxa-- e entrar Sanxenxo, ambos na provincia de Pontevedra.


Mapa de alertas por municipios en función de novos casos confirmados por PCR en 7 días







NIVEL VERMELLO
En concreto, na provincia da Coruña, mantéñense en vermello 17 localidades. Trátase de Ferrol, Narón, Fene, Pontedeume, Oleiros, A Coruña, Arteixo, Culleredo, Cambre, Carballo, Malpica de Bergantiños, Vimianzo, Ordes, Santiago, Ames, Teo e Boqueixón.

Pola súa banda, en Pontevedra, continúan en 21 os concellos no máximo nivel de alerta ao saír A Cañiza pero incorporarse Sanxenxo. Así, permanecen en vermello: Lalín, Vilagarcía, Cambados, Ribadumia, O Grove, Sanxenxo, Poio, Pontevedra, Marín, Moaña, Cangas, Redondela, Vigo, Nigrán, Baiona, Mos, Ponteareas, O Porriño, Salvaterra de Miño, Tui e A Guarda.

En Lugo, non se rexistran cambios e continúan en vermello, ademais da propia cidade da muralla, Monforte, Viveiro, Cervo e Burela. Tamén se manienten en vermello os muicipios ourensáns de Xinzo, Ourense, Ribadavia e O Carballiño.

De acordo co mapa 'semáforo' que actualiza diariamente a Consellería de Sanidade, a gran maioría de concellos en situación 3 pola pandemia están situados nas provincias de Pontevedra (21) e A Coruña (17),  moitos menos en Ourense (4) e Lugo (5).

A entrada no nivel máximo de risco de todas estas localidades implica que se detectaron máis de 21 casos de coronavirus no últimos sete días. Con todo, nas urbes de máis de 50.000 habitantes, o limiar para detectar o aviso vai en función do tamaño: Ferrol --máis de 76 casos nunha semana--, Pontevedra --máis de 96--, Santiago --máis de 112--, Lugo --máis de 112--, Ourense --máis de 120--, A Coruña --máis de 276-- e Vigo --máis de 332--.

MÁIS MUNICIPIOS EN ALERTA LARANXA
Mentres, en situación dúas --na cor laranxa do mapa-- sitúanse 23 municipios, cinco máis que o mércores. Na provincia da Coruña son Cedeira, Valdoviño, Neda, Betanzos, Cerceda, Santa Comba e Noia. Ademais, incorpórase Sada, Mugardos, Cabana, Oroso e Ribeira.

Na de Lugo, mantéñense neste nivel Palas de Rei e Bóveda, aos que se suma Chantada, mentres que en Ourense volven figurar só Barbadás e Verín. No caso de Pontevedra, mantéñense neste nivel desde o mércores A Estrada, Gondomar e incorpórase Caldas de Reis, Ponte Caldelas, Tomiño e A Cañiza.


EMPEORAMENTO NAS RÍAS BAIXAS

En termos xerais, o mapa de alertas a 7 días presenta un peor aspecto que o mapa de alertas a 14 días, sobre todo na costa da provincia de Pontevedra, que xa ten case todos as súas municipos en alerta vermella.


Pola contra, nótase unha mellora no leste de Ourense, onde a sete días xa non queda ningún municipio con alertas tras as melloras do Barco e Viana, mentres Verín pasa de alerta vermella a alerta amarela.


Mapa de alertas por municipios en función de novos casos confirmados por PCR en 14 días


Imaxe do mapa correspondente ao 5 de novembro de 2020



Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress