Peche perimetral de todas as cidades e moitas vilas de Galicia desde as 3 da tarde, permitido reunirse só conviventes
Os peches perimetrais afectan a Vigo; A Coruña e Arteixo; Santiago, Ames e Teo; Ferrol, Narón, Fene e Neda; Pontevedra, Poio e Marín; e Lugo (en Ourense mantense a limitación que xa había).
A Xunta ordenará o peche perimetral de todas as cidades galegas, debido á mala evolución a pandemia de COVID-19, e restrinxirá as reunións unicamente a persoas conviventes nestes municipios.
Os peches perimetrais afectan a Vigo; A Coruña e Arteixo; Santiago, Ames e Teo; Ferrol, Narón, Fene e Neda; Pontevedra, Poio e Marín; e Lugo (en Ourense mantense a limitación que xa había).
Control do peche perimetral de Ourense
As restricións revisaranse o martes pero, visto a mala evolución recente en case todas as áreas e o tempo que leva a cidade de Ourense perimetrada, é improbable que se levanten tan pronto.
Os novos peches perimetrais organízanse por áreas:
- Santiago/Ames/Teo
-Narón/Ferrol/Fene/Neda
- Pontevedra/Poio/Marín
-A Coruña/Arteixo
-Vigo
-Lugo
-Vimianzo
Hai que lembrar que xa hai tres áreas confinadas en Ourense. Son a da capital e Barbadás; Verín, Vilardevós e Oímbra; O Carballiño, Boborás e O Irixo. Segundo a Xunta, as medidas están a empezarse a deixar notar sobre todo no sur de Ourense. Con todo, seguen vixentes estes perímetros.
LIMITACIÓNS XERAIS
Hai limitacións para todos os concellos, teñan ou non restricións perimetrais. En ningún concello están permitidas as reunións de máis de cinco persoas. Nos concellos perimetrados, prohibidas as reunións de persoas que non convivan.
QUE PASA COS UNIVERSITARIOS?
As novas limitacións entran en vigor desde case xa, ás tres da tarde deste venres. Unha das excepcións previstas é a dos universitarios, que poden volver aos seus domicilios. Iso si, o conselleiro de Sanidade a pedido aos estudantes que non volvan aos seus fogares a fin de semana, para protexer ás súas familias.
As limitacións acábaas de presentar o conselleiro, Julio García Comesala, tras a reunión do comité clínico de expertos da Xunta. A pesar da transcendencia das medidas, o presidente da Xunta non compareceu.
Escribe o teu comentario