Un dos incendios en Viana do Bolo leva ardendo desde o luns e queimou 130 hectáreas

A BRIF de Laza tívose que retirar ao acabar un das quendas porque un dos dous helicópteros está inoperativo

O incendio forestal declarado o pasado luns na parroquia de Pradorramisquedo do municipio ourensán de Viana do Bolo segue activo tras afectar a unhas 130 hectáreas, mentres que na noite deste mércores que quedado extinguido outro que calcinou unhas 50 hectáreas en Rubiais, na mesma localidade.

Incendio desde o aire en Pradomarisquedo en Viana nunha imaxe de BrifLaza en Twitter 

Así o informou a Consellería do Medio Rural, que sinalou que segue activo o incendio forestal que comezou na mañá do pasado luns na parroquia de Pradorramisquedo en Viana do Bolo e as últimas estimacións sitúan a superficie afectada nunhas 130 hectáreas.

Ata o momento con motivo deste lume mobilizáronse 13 axentes, 36 brigadas, sete motobombas, unha pa, nove avións e oito helicópteros.

APAGADO O LUME EN RUBIAIS

Pola súa banda, ás 22,43 horas deste mércores quedou extinguido o incendio forestal iniciado na noite do luns tamén no municipio ourensán de Viana do Bolo, na parroquia de Rubiais.

As últimas estimacións sitúan a superficie afectada de 50 hectáreas, delas 47 de monte raso e tres de de arboledo, concretou Medio Rural.

Para a extinción deste lume foron mobilizados seis axentes, 21 brigadas, oito motobombas, unha pa e un helicóptero.