O Festival da Luz, aprazado a 2021 por ser "inviable" ante "a evolución do COVID-19"

O Festival da Luz, evento musical organizado pola cantante Luz Casal en Boimorto (A Coruña), a súa localidade natal, quedou aprazado a setembro de 2021 por ser "inviable" ante "a evolución do COVID-19".

A través dun comunicado, o Festival da Luz, previsto inicialmente para os días 11, 12 e 13 do próximo mes de setembro, anuncia a súa cancelación este ano porque "agora a prioridade é velar pola seguridade de todos".

Así, a organización asegura que comunicará proximamente aos seus seguidores "os detalles para iniciar o proceso de devolución" das entradas "e as alternativas" que teñen aqueles que queiran manter as súas entradas para a edición de 2021, que será do 10 ao 12 de setembro.

"Foron moitos meses de traballo no que nos chegaron moitas mensaxes os vosos de apoio, de preocupación, de solidariedade... Escoitámosvos e agradémosvos a todos o agarimo facía este evento que aos poucos foi crecendo grazas a vós durante nada máis e menos que 9 anos!", expresa o Festival da Luz, nun comunicado no que tamén agradece aos seus fans que comprasen entradas "sen anunciar o cartel" deste ano.