​Terceira denuncia contra o Concello de Ourense por “intrusismo laboral” na seguridade privada

Tras varias denuncias, a Federación de traballadores de Seguridade Privada da Unión Sindical Obreira (FTSP-USO) insisto nas súas reclamacións contra o goberno auriense por un presunto caso de "intrusismo laboral" no persoal da seguridade do consistorio.

Xa nas denuncias anteriores o organismo sindical sinala que a empresa contratada para realizar ese servizo "carece" de autorización do Ministerio do Interior para desenvolver eses labores. Do mesmo xeito, denuncian que o persoal que realiza ese traballo é "persoal non habilitado".

Nesta terceira ocasión o sindicato di “non saír dos seus asombro” co Goberno de Gonzalo Pérez Jácome pola “actitude e desvergoña coa que Concello e empresa sáltanse a Lei de Seguridade Privada á toureira créndose inmunes ás consecuencias do incumprimento”, como sinala o secretario de organización da Federación, Iván Blanco.

Ademais do persoal do consello, a denuncia tamén vai dirixida ao persoal das piscinas de Oira. Do mesmo xeito, o persoal do “servizo de Vixilancia e Seguridade con vehículo patrulla que se está prestando pola mesma empresa a pé de rúa os días de mercadillos na cidade” atópase nunhas condicións similares.

Desde FTSP-USO denuncian que a compañía Prinses Security Advice non está “rexistrada” nin “autorizada” polo Ministerio de Interior e que opera con “persoal non habilitado”.

“As infraccións en materia de Seguridade Privada están contempladas na Lei 5/2014 como leves, graves e moi graves, estas últimas entenden desde o sindicato que presuntamente incorrerían o Concello de Ourense, a empresa contratada e mesmo o persoal que presta os servizos no caso de ser consciente dos incumprimentos da citada Lei”, advirte o sindicato, á vez que subliña que as sancións poderían elevarse ata os 600.000 euros para a empresa e ata 30.000 para o persoal contratado.

Un persoal que, como comenta Blanco, moitas veces viven alleos a estas irregularidades. “Nestes casos de intrusismo os traballadores non adoitan ser conscientes da situación irregular na que prestan servizo, polo que de cando en cando son sancionado”, lamenta.

“O caso de intrusismo de Printes e o Concello de Ourense é un dos máis flagrantes que vimos nos últimos anos, polo que esperamos que sexan propostos para sanción por parte da Unidade de Seguridade Privada do Corpo Nacional de Policía. Pola contra chegará aos Tribunais, non todo vale, e o sector non pode permitirse tal precedente”, conclúen.