Nai e fillo mortos en saída de vía na autoestrada A-6 en Abegondo, preto do campo do Deportivo (vídeo)
Unha muller de 55 anos e o seu fillo, de 19, faleceron nun accidente de tráfico ocorrido ás 9.48 horas na A-6 á altura de Mabegondo, en Abegondo (A Coruña), segundo informan fontes de Tráfico. Outra ocupante do vehículo, de 18 anos, resultou ferida e que foi evacuada ao hospital nun helicóptero medicalizado con base en Santiago.
Unha familia residente en Madrid sufriu un forte acccidente en Mabegondo. Hai dous falecidos e unha sobrevivente, pero está ferida grave polo que tivo que ser levada en helicóptero a un hospital.
Accidente en Mabegondo nunha imaxe do vídeo publicado por @erikastrop en Twitter
O novo era o condutor do vehículo, que se saíu da vía á altura do quilómetro 573, segundo as mesmas fontes. O Servizo de Emerxencias 112 recibiu a chamada dun particular, que alertaba de "persoas feridas e atrapadas" no coche, polo que se requiriu a presenza de equipos de excarceración do servizo de bombeiros de Betanzos.
Tamén acudiron á zona, segundo engaden desde o 112, Policía Local e Protección Civil do municipio coruñés.
Escribe o teu comentario