As áreas galegas notan a retardación no descenso de casos activos de coronavirus, pero seguen en baixada

Os datos do Servizo Galego de Saúde evidencian que a tendencia en Galicia, aínda que positiva, é cada vez máis lenta. 

A pesar do ritmo lento, estancado mesmo nalgunhas áreas, a comunidade segue restando día a día os seus casos activos. Hoxe son nove menos, a metade da cifra arroxada onte desde o SERGAS.

Sen ser do todo malos, no últimos cinco días Galicia sumou dúas xornadas nas que non superou a decena de casos menos: hoxe son nove menos; o venres apenas foron catro menos. Isto está provocado, en gran medida, pola hibernación que sofren algunhas áreas galegas. É o caso de Pontevedra, que leva 72 horas estacionada nos 16 casos. Como Pontevedra, Santiago de Compostela e Lugo ofrecen as mesmas cifras de onte: 1ou7 casos activos na área da capital por 30 na área da cidade amurallada.

Con todo, que non descendan os algarismos non significa que non se cure xente. Ao facer máis probas, os test que dan resultados positivos terminan por compensar os casos dados de alta, polo que ao final na gráfica o que se aprecia é unha estabilidade.

QUE É UN CASO ACTIVO?

Hai que ter en conta que estes datos da Xunta refírense a os casos activos. É dicir, a persoas que deron positivo por PCR ou anticorpos e que aínda non deron negativo nunha proba PCR.

Así, se o SERGAS fai probas de anticorpos a todos os traballadores, por exemplo, dun centro de saúde, probablemente aparecerán algúns positivos, que deben sumarse ao cálculo de casos activos. 

Agora ben, se despois estes positivos en anticorpos dan negativo en PCR significa que xa han superado a enfermidade, polo que hai que borralos da lista de casos activos e sumalos á de recuperados. O tempo que tardan eses PCR de contraste alimentou pasados repuntes leves en case todas as áreas. 

Por iso non hai que alarmarse porque unha área en concreto presente repuntes de casos activos varias xornadas seguidas, pois non necesariamente implica un rebrote da enfermidade. Iso si, é necesario vixiar se o días sucesivos o número de casos activos volve descender, como afortunadamente sucedeu desde o pico ata hoxe.

ÁREAS EN DESCENSO

As áreas que hoxe contan con baixadas nas súas cifras son A Coruña, a que ten unha mellor tendencia todas as áreas galegas e que hoxe perde seis casos -o que significa que o 66% do descenso dos datos do SERGAS débese á baixada da área herculina-, Vigo, Ourense e Ferrol. Estas tres últimas áreas só restan un caso activo desde onte, pero no caso da área ferrolá sérvelle para quedar en trece casos activos: a mellor cifra de todas as áreas galegas. 

Segundo o SERGAS, o número de casos activos de coronavirus este luns 8 de xuño en Galicia ascende a 515 dos cales 113 son da área da Coruña, 30 de Lugo, 43 de Ourense, 16 de Pontevedra, 193 de Vigo, 107 de Santiago e 13 de Ferrol. 

Isto implica que hoxe en  Galicia hai nove casos activos menos que onte -onte foron só 18 menos-. Continúa o descenso de casos activos a nivel autonómico e a un ritmo máis lento que o de onte. O descenso diario hoxe é do 1,7%, cando onte estaba no 3,3%. 

Tamén sofre variacións a media móbil semanal da porcentaxe de caída, que neste caso sofre unha lixeira subida, xa que onte macaba un -4,5%. Cos datos de hoxe sitúase nun -4,6%.