Un Resurrection Fest 'online' o 3 e 4 de xullo con fins benéficos contra o coronavirus

O quince aniversario do Resurrection Fest Estrela Galicia posponse a 2021, pero a organización anunciou un evento Online para o 3 e 4 de xullo, con fins benéficos e unha programación en aberto de concertos inéditos, actuacións en directo, entrevistas especiais, reportaxes sobre o festival e moito máis.

"Dentro desta edición virtual, poderemos vivir desde casa e cos nosos amigos a experiencia Resurrection Fest Estrela Galicia e ademais axudar a varias iniciativas contra o coronavirus e a colectivos necesitados", explica a organización.

Moitísimas bandas internacionais e nacionais xa se sumaron á iniciativa así que nas próximas semanas irase desvelando máis respecto diso.

"En colaboración con Estrela Galicia e a campaña #elresuEGresiste, tentarase involucrar ao maior número de fans para poder revivir a sensación de estar en Viveiro na mellor semana do ano, así que non podedes perdérvolo", conclúe.