Os datos oficiais de mortos por coronavirus en Galicia están mal

|

En Galicia morreron 213 persoas por coronavirus, segundo o Ministerio de Sanidade, datos oficiais das 21 horas de onte.


En Galicia morreron 278  persoas por coronavirus, segundo a Xunta, datos oficiais  da Xunta deste mediodía.


A disparidade entre as dúas cifras non se pode explicar polas diferentes horas de corte. Son 65 mortos de diferenza sobre un total de menos de 300.


A diferenza explícase porque ou a Consellería de Sanidade non computaba os mortos en residencias cando mandaba o seu balance diario a Madrid ou o Ministerio ocultaba nun caixón os falecidos en residencias. 



O gráfico mostra a evolución de mortos en Galicia, tirando dos datos publicados polo Ministero. Nótese que hoxe suma 213 mortos, cando a Xunta xa suma 278.



Sexa cal for o motivo, o certo é que os datos de agora do Ministerio non inclúen moitos de os mortos galegos. Iso a pesar de que un de cada catro falecidos do país é un ancián morto nunha residencia, se facemos caso aos números da Xunta.


O resultado é que as cifras oficiais de mortos por coronavirus en Galicia son, polo menos ata hoxe, falsas; un 25% menores do real.


Non só porque non se contan os mortos aos que non se lles puido facer o test, ao falecer antes do inicio da crise ou por calquera outra circunstancia. Non estamos a falar dese número indeterminado de mortos ocultos por non ser diagnosticados con COVID-19. Non nos referimos a esa cantidade de falecidos que  no futuro indagarán os expertos comparando  datos de mortalidade desta primavera coas de primaveras  anteriores.


O cómputo oficial é falso simplemente porque ata hoxe estivo dividido. Por unha banda ían os mortos en hospitais, por outros os mortos en residencias. E ningunha fonte oficial sumábaos. 


Hoxe a Xunta cambiou de criterio, por primeira vez publica a suma de mortes. Ata este mércores Política Social contaba os mortos en residencias e Sanidade os mortos en hospitais. A Madrid só se mandaban os mortos en hospitais, ou Madrid só contaba os mortos de hospitais e metía nun caixón os de residencias.


MONCLOA ORDENA DETALLAR Os DATOS DAS RESIDENCIAS DESDE HOXE

Nos próximos días, é posible que San Caetano mande a Madrid os datos completos a partir de mañá, ou é posible que Moncloa decida sumar motu propio os datos de hospitais e residencias galegas.


En todo caso, a cifra oficial de falecidos en Galicia que ofrece o Ministerio debería dar un salto proximamente. Debería, se algunha autoridade tómase a molestia de informar con rigor.


 Por que debería dar un salto a estatística de mortos nos próximos días? Hoxe acaba o prazo fixado pola Vicepresidencia para que as autonomías detallasen as cifras das residencias. A Xunta reaccionou esta semana obrigando ás residencias para darlle os datos máis rápidos.

 

Hai días que os medios de comunicación viñamos advertindo das inconsistencias na forma de contar. Varias autonomías, non só Galicia, non estaban a incluír os falecidos fóra de hospitais nos datos que mandan a Madrid, ou Madrid estaba a metelos nun caixón.


De aumentar o cómputo estatal, é moi probable que as diferentes administracións volvan tirar os trastes á cabeza. Á fin e ao cabo, xa o están facendo cos test rápidos ante os estupefactos ollos de gran parte dos cidadáns. 


IMPORTA O CULPABLE Ou O DANO Á CONFIANZA CIDADÁ?

Quen ten a culpa de todo esta lea? O Goberno central por non fixar un criterio único e claro para contabilizar os falecidos fóra de hospitais, como suxiren fontes da Xunta a Galiciapress?  Ou estamos ante un intento da Xunta de minimizar o impacto de coronavirus e así poder seguir esgrimindo que somos a autonomía con menos letalidade a pesar do avejentado da nosa poboación? Ou simplemente é produto dunha decisión tomada con présas ao comezo da crise, que San Caetano ou Moncloa só se atreveron a desfacer unha vez que explotou o drama das residencias?


É probable que a gran parte da cidadanía tráialle á expectativa quen ten a culpa. O que é evidente é que erros de tal nivel menoscaban a confianza da cidadanía nas autoridades.


Confianza que é un ben precioso cando estamos aínda en plena epidemia e poida que, superada esta, enfrontémonos a unha segunda onda e despois a unha terceira ...


Quen se crerá os datos entón aínda que sexan certos?


Por non falar do cómputo de positivos. O Ministerio segue difundindo histórico de casos ata hoxe: 6538 positivos. A Xunta informa de 5.460 casos, porque desagrega falecidos (278) e persoas dadas de alta (800). O produto de tanta disparidade  de criterios é que é tan certo informar de só 25 casos novos nun día como que houbo 207, citando fontes oficiais.


Unha nimiedade. Unha diferenza de criterio de comunicación que provoca confusión, pero non deixa de ser unha nimiedade dentro da traxedia do coronavirus.


Outra cousa o cómputo de mortos. Se o seu familiar morreu nun hospital tras enfermar nunha residencia galega, a esta hora vostede non pode estar seguro sequera que a súa morte fose contada correctamente.


Un bombeiro desinfecta unha padiola duranate o confinamento polo Estado de Alarma decretado polo Goberno de España con motivo do coronavirus, COVID-19.













Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress