A gráfica do coronavirus en Galicia sobe de novo, pero sen dispararse

|

Os datos do Ministerio de Sanidade indican que no último día confirmáronse 238 positivos en Galicia. 


É unha cifra superior á de onte. As boas noticias é que só son 31 casos máis que onte e son 55 menos que os de antonte. Pódese inferir pois que a pandemia segue crecendo en Galicia cada vez máis rápido, pero sen dar por agora o temido novo brusco acelerón.




O total de positivos para o Ministerio son 1.653. Isto inclúe casos activos, falecidos e persoas recuperadas. 





A mellor noticia a nivel galego é a gráfica que mostra a porcentaxe diaria de incremento de novos casos. Apréciase unha subida constante, pero sen aceleracións desde xa fai bastantes xornadas.





Non sucede o mesmo no Estado. En España hai xa case 48.000 afectados, dos que uns 15.000 están en Madrid. 




As cifras a nivel estatal non son para nada positivas. Na gráfica de novos casos apréciase que a pandemia acelerou a un ritmo aínda maior nos últimos días. 


A cifra de positivos diario disparouse case a 8.000, o dobre que hai uns días. O único consolo é pensar que isto se debese a que se fan máis test rápidos nas últimas xornadas.





O peor de todo é o número de mortos. As mortes ascenden a 3.434. Nun día rexistráronse máis de 700 mortos no Estado.





Quizais a única boa noticia das cifras de hoxe é que en Italia parece confirmarse a tendencia de que o peor pode quedar atrás, polo menos no que se refire a novos casos. Os datos de hoxe son peores que os de onte, pero apréciase certa estabilización que dura xa unhas xornadas.






POR QUE DIFIREN As CIFRAS DO GOBERNO ESPAÑOL E As DA XUNTA?

Hai que ter en conta as cifras da Xunta aparentan ser diferentes que as do Ministerio, pero xa non é así. O Goberno Galego desagrega casos activos, recuperados e falecementos; mentres que Madrid dá unha cifra global.


Así, para Xunta,  falecer en Galicia con coronavirus aumentaron a 30 en Galicia tras transcender o falecemento doutros tres pacientes infectados na Comunidade galega, que rexistra 1.598 casos de infectados.

Segundo os datos facilitados pola Consellería de Sanidade, o número de falecidos ascende a 30 persoas tras a morte de dous homes de 82 anos ingresados no Complexo Hospitalario Universitario A Coruña e outro home de 74 anos hospitalizado no Montecelo de Pontevedra. Os tres tiñan patoloxías previas.


Segundo os datos de Sanidade deste mércores, os infectados en Galicia aumentaron a 1.598, o que supón 224 máis que este martes cando había 1.374.

DATOS POR ÁREAS XEOGRÁFICAS
Do total de casos, 389 corresponden á área da Coruña; 99 á de Lugo; 186 á de Ourense; 202 á de Pontevedra; 396 á de Vigo; 288 á de Santiago e 38 á de Ferrol.

Dos pacientes con positivo en Galicia, 69 permanecen en UCI, 409 en unidades de hospitalización e 1.120 atópanse no seu domicilio, concretou Sanidade.

Ata a data na Comunidade galega rexistráronse 25 altas de pacientes e realizáronse 7.936 test para detectar coronavirus en Galicia.



R0hZy evoluci n de positivos de coronavirus en galicia (10)



Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress