En plena crise do coronavirus, Xunta e Goberno peléxanse publicamente a conta das máscaras

Pobre exemplo de unión están a dar algunhas administracións para derrotar ao COVID-19. É evidente que  alguén mente sobre o volume de máscaras entregadas á Xunta, o Goberno Gallego ou a delegación do Goberno de España. Agora ben, no canto de arranxar o problema e dilucidar responsabilidades superada a pandemia, as adminstraciones que dirixen Alberto Nuñez Feijóo (PP) e Javier Losada (PSdeG) crúzanse reproches en público.

O Goberno e a Xunta confrontaron xa abertamente este domingo á conta do material para combater a crise sanitaria do coronavirus e, en concreto, pola distribución de máscaras, despois de afirmar o presidente galego, Alberto Núñez Feijóo, que só chegaron 27.000.

Enfronte, no seu perfil de 'Twitter', a Delegación do Goberno en Galicia defendeu que, a través do Ministerio de Sanidade, distribuíronse 117.907 máscaras en Galicia para atender as urxencias.

"Segue o proceso de compra e distribución de material sanitario dando prioridade ás urxencias", engade.

SANIDADE INSISTE: 27.010
O Sergas contestou a través dun comunicado no que se reafirma en que "só recibiu 27.010 máscaras" enviadas polo Ministerio de Sanidade para afrontar a crise do coronavirus en Galicia.

"O primeiro lote de 15.250 recibiuse o pasado venres día 13, e o segundo de 11.760 unha semana despois. Trátase de 25.250 máscaras cirúrxicas e 1.760 máscaras FFP2", detalla Sanidade.

Conclúe que a Xunta confía en que o volume de máscaras "que o Goberno asegura enviar a Galicia poida facerse realidade o máis axiña posible na comunidade galega para afrontar conxuntamente esta crise sanitaria".