Asasinado a coiteladas o xerente dun bar da zona vella de Ourense
A investigación apunta a que o home achado morto nun bar no casco antigo de Ourense á primeira hora da noite deste mércores supostamente faleceu por feridas causadas por arma branca.
A Evaristo quedaba pouco para xubilarse. Atendía o Bar Novo na rúa Colón desde hai varios anos.
A investigación apunta a que o home achado morto nun bar no casco antigo de Ourense á primeira hora da noite deste mércores supostamente faleceu por feridas causadas por arma branca. Trátase do xerente Evaristo Morín Machado.
Así o manifestaron fontes próximas á investigación a Europa Press, que confirmaron que a Policía Nacional investiga a morte violenta deste home.
En concreto, a Unidade de Delincuencia Especializada e Violenta (UDEV) da Policía Nacional investiga a morte violenta do home que rexentaba o Bar Novo, situado no casco antigo da cidade de Ourense.
Os feitos sucederon sobre as 20,30 horas deste mércores no Bar Novo. A vítima, que rexentaba o establecemento hostaleiro, atopábase falecido e presentaba feridas por arma branca e golpes.
O establecemento hostaleiro, situado na rúa Colón, estaba pechado ao público cando os axentes da Policía Nacional chegaron ao lugar e constataron que o home estaba morto.
Escribe o teu comentario