Dous cacos pillados co botín e detidos por roubo con forza nunha nave de Chapela

Axentes da Policía Nacional da Comisaría de Vigo detiveron a dous homes de nacionalidade romanesa, de 44 e 40 anos de idade, como presuntos autores dun roubo con forza cometido nunha nave de Chapela, na madrugada deste xoves.

Segundo informaron fontes policiais, un operador dunha central de alarmas púxose en contacto co 091 ás 4,45 horas despois de que se activase a alarma dunha nave industrial na Avenida de Redondela.

Unha dotación de paisano desprazouse ao lugar e, cando circulaban polo Camiño dous Olmos, observaron a dous homes, vestidos completamente de negro, totalmente pegados aos arbustos e portando un deles un maletín.

Ao decatarse da presenza dos axentes, os sospeitosos comezaron a correr e fuxiron cara a unha zona de vexetación, preto do Rego Fondón. Co apoio doutros indicativos, a Policía logrou finalmente interceptalos e detelos.

Os axentes examinaron a zona e atoparon un gorro de la gris, un 'walkie', unha pata de cabra, o maletín e outros efectos. Así mesmo, ao examinar a nave industrial, a Policía comprobou que entraran á mesma escalando o muro dunha leira lindeira e, unha vez na terraza, forzaron dúas portas para entrar na nave, unha delas de seguridade.

Ao inspeccionar o interior, os policías constaron que os ladróns trataron de acceder á zona de administración, tentando forzar o acceso, xa que presentaba marcas de apancamento. Tamén había signos de forzamiento noutras estancias.

Os detidos foron trasladados a Comisaría, onde se comprobou que ambos teñen antecedentes por feitos similares; ademais, investígase a súa posible imputación noutros feitos delituosos. Os arrestados e as dilixencias practicadas foron postos ao dispor do xulgado de instrución de garda.