​Morre Kobe Bryant, lenda da NBA, nun accidente de helicóptero

 O lendario xogador da NBA Kobe Bryant faleceu este domingo nun accidente de helicóptero, xunto a outras catro persoas, en Calabasas (California).

As primeiras pescudas indican que a intensa néboa foi un dos factores que motivou o sinistro no que pereceron un dos mitos dos Angeles Lakers, a súa filla e outras sete persoas que viaxaban no aparello.

A pesar que a NBA decidiu non parar o campionato, a traxedia golpeou ao mundo do baloncesto, e tanto xogadores que xamais compartiron cancha con el, como Luka Doncic, a outros que o tiñan como un "irmán maior", como dixo Pau Gasol -co que conquistou dous aneis da NBA- mostraron a súa tristeza pola noticia e deron as súas condolencias á familia do escolta, natural de Filadelfia.