(Vídeo) O Río Pedras pasou encima dunha ponte polo temporal, que deixa ata 126 litros por metro cadrado

O Río Pedras da Pobra é coñecido por moitos veraneantes e locais, que cando queren fuxir da masificación de praia escápanse ás súas fermosas pozas, encerradas entre gargantas graníticas. Configuración xeolóxica que contribuíu este xoves a un bo susto, cando se desbordou e estivo a piques de levar por diante unha ponte, como se pode neste vídeo remitido a Galiciapress.

Veciños tomando fotos do desbordamento do Río Pedras 

Sucedeu exactamente na rúa Crocha, nunha zona residencial, a uns 400 metros da desembocadura. Contan os veciños que nunca viron chover tanto en tan pouco tempo. Un ballón brutal nuns quince minutos converteu o Río Pedras nun torrente imparable, que levou por diante parte da varanda da ponte. 

Este venres segue baixando con moita auga, pero sen causar xa perigo. O sucedido non foi unha excepción, pois varias localidades quedaron temporalmente illadas na zona de Corrubedo  e Ribeira debido ao corte de estradas. A vía que une Boiro e Noia pola serra tamén sufriu varios desprendementos de terra.

BALANCE METEOROLÓXICO DOUTRO TEMPORAL DE CHOIVA E VENTO

E é que o último causou numerosas inundacións por toda Galicia,  con marcas  de 126 litros por metro cadrado en Lousame (A Coruña) e de 116,1 l/m2 na localidade coruñesa de Val do Dubra. 

Así consta nos rexistros de Meteogalicia correspondentes á xornada do xoves, recollidos por Europa Press, nos que se reflicte que foron localidades coruñesas as que tiveron as acumulacións máis significativas.

A elas súmanse os 112,3 litros por metro cadrado en Zas (A Coruña); 102,3 l/m2 en Santa Comba e 96,1 en Rois, ambas as localidades coruñesas tamén.

VENTOS DE 140 QUILÓMETROS Á HORA NA COSTA DA MORTE

Ademais, o refacho de intensidade máxima de vento deste xoves correspondeu ao municipio coruñés de Vimianzo, con 140 quilómetros por hora, seguida dos 131,8 na Pontenova (Lugo).

Na zona de montaña, as precipitacións máximas do xoves rexistráronse en Rodeiro (Pontevedra), con 38,3 litros por metro cadrado, e o refacho máximo a Carballeda de Valdeorras (Ourense), con 137,8 quilómetros por hora.

Ata as 9,40 horas de este venres, xornada na que xa non hai activos avisos por vento e choivas en Galicia, o refacho de vento máxima corresponde a Viveiro (Lugo), con 85,5 quilómetros por hora rexistrados ás 7,20 horas, seguida do 82,7 km/h en Malpica (A Coruña) ás 4,50 horas.