A condena por prevaricar ao alcalde de Cerceda, confirmada, mete ao PSdeG nun apuro

O alcalde do municipio coruñés de Cerceda, José Luis García Liñares, asegurou que dará a coñecer "nuns días" a decisión que adoptará tras o fallo da Audiencia da Coruña que confirma a súa inhabilitación durante oito anos por un delito de prevaricación en relación á contratación das obras do xardín botánico.

|

Liñares, todo un peso pesado no socialismo coruñés, ve confirmada a súa condena por prevaricación, pero prefire tomarse un tempo antes de decidir que facer. O PP hai tempo que reclamou que o PSOE o apartase, pero os socialistas alegaron entón que había un recurso en marcha.


O alcalde do municipio coruñés de Cerceda, José Luis García Liñares, asegurou que dará a coñecer "nuns días" a decisión que adoptará tras o fallo da Audiencia da Coruña que confirma a súa inhabilitación durante oito anos por un delito de prevaricación en relación á contratación das obras do xardín botánico.


García Liñares alcalde de Cerceda



Así o asegurou a Europa Press despois de que a sección primeira da Audiencia coruñesa haxa desestimado o recurso de apelación interposto polo alcalde e o arquitecto técnico, Antonio José Varela Mallo, contra a resolución do Xulgado do Penal número 2 da Coruña que os condenou por "irregularidades" na contratación destas obras.

No seu fallo, confirma integramente a sentenza ditada en xullo de 2019 na que o rexedor municipal foi condenado a oito anos de inhabilitación para exercer calquera cargo público como autor dun delito de prevaricación administrativa.

O arquitecto, pola súa banda, foi condenado como cooperador necesario con catro anos de inhabilitación, ademais de con nove meses de suspensión do cargo por cometer dun delito de falsidade.

Contra a resolución da Audiencia Provincial da Coruña non cabe a presentación de recurso ordinario, segundo recolle a sentenza, aínda que o alcalde precisou que "se cabe recurso no Tribunal Supremo, no Constitucional, en Estrasburgo", dixo en referencia ao Tribunal Europeo de Dereitos Humanos.

Da sentenza, confirmou que tivo coñecemento este mércores "pola tarde" e afirmou, ao ser preguntado que decisión adoptará agora --ante as peticións da oposición para que presentase a súa dimisión tras coñecerse a súa anterior condena--, que "nuns días" dirá o que fará. "Non vai ser nin mañá nin pasado", apostilou.

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE