A mineira de Touro tenta “regatear aos técnicos” enterrándoos “entre montañas de papeis”, denuncia unha plataforma crítica
A Plataforma Veciñal Mina Touro-O Pino NON presentou este martes “consideracións e alegacións á nova documentación emitida pola empresa Cobre San Rafael nos últimos meses” en referencia aos informes presentados pola compañía en 2018.
A Plataforma Veciñal Mina Touro-O Pino NON presentou esta semana “alegacións á nova documentación emitida pola empresa Cobre San Rafael nos últimos meses” en referencia aos informes enviados pola mineira para superar o bloqueo administrativo.
Integrantes da plataforma entregando as "consideracións e alegacións" no rexistro da Xunta
Á documentación de Cobre San Rafael -a empresa instrumental que comparten a multinacional Atalaia Minning e os locais de Explotacións Galegas SL- a Xunta reclamou posteriormente aclaracións e máis documentación ao entender que a presentada era “insuficiente, pouco aclaratoria ou que non contiña aspectos que debían ser contemplado”.
“Dentro deste ‘prazo infinito’ que a empresa parece ter neste procedemento administrativo, no terceiro trimestre de 2019 emite nova documentación tratando de dar resposta ás demandas expostas desde os distintos organismos”, sinala a plataforma, que denuncia que Cobre San Rafael “non é capaz de contestar de forma solvente ás demandas de información” que os distintos departamentos da Xunta solicítanlle.
Desta forma, segundo a versión dos críticos coa mina, Cobre San Rafael “remite frecuentemente á xa presentada con anterioridade profundando na mesma indefinición que xa deu pé no seu día aos requirimentos da Administración, e que non foron emendados naquel momento nin agora”, un recurso do que tira a compañía en varias ocasións segundo denuncia a Plataforma Veciñal Mina Touro-O Pino NON.
“Trata de ‘regatear’ aos técnicos dos diferentes organismos, afogándoos entre montañas de papel. Así, copia literalmente páxinas ou artigos completos das referencias normativas de obrigado cumprimento. Coma se o simple enunciado da normativa, xa fose garantía suficiente da súa aplicación”, lamentan desde a plataforma, que tamén denuncia que outras solicitudes quedan postergadas “a ser definidas nun futuro, algo inadmisible se temos en conta que van case tres anos desde o inicio do procedemento e estanse presentando resultados incompletos”.
Por isto, desde a plataforma volven denunciar as “dúbidas” que xera o proxecto e que a ausencia de resposta e claridade da empresa está causada pola “falta de argumentos” para apoiar a mina.
Hai meses que tanto a oposición como os grupos ecoloxistas reclaman que a Xunta dea carpetazo definitivo ao expediente para reabrir a mina de cobre. O Goberno Gallego mantén o trámite burocrático aberto sen dar pistas sobre se haberá luz verde finalmente ou non.
Escribe o teu comentario