O belén do Neno Jesús cos brazos mutilados en Ourese suscita un aluvión de memes

Un Neno Jesús mutilado xunto aos seus pais, aos que lle faltan varios dedos, son a estampa do ¿Nadal? que se atopan os curiosos que se achegan ao Belén de Ourense, convertida de forma involuntaria na cidade de moda bizarra en Galicia.  

Jácome pousando coa figura recuperada onte

Tanto se o buscaban coma se non, Ourense é a día de hoxe a sensación do Nadal en Galicia. A outrora cidade termal, hoxe convertida nunha inesperada capital do Nadal galego, adiantou pola dereita a Vigo e as súas luces dunha forma que moitos veciños non desexaban. 

O Belén de Ourense -tamén coñecido como o Belén de Jácome- é a principal "atracción" das festas na cidade e as súas figuras, que moitos tachan de "horripilantes" e "bochornosas", resultaron unha fonte inacabable de memes que circulan pola rede e de móbil en móbil.

NENO JESÚS...SEN BRAZOS?

Se onte a noticia deuna o propio alcalde de Ourense, Gonzalo Pérez Jácome, advertindo en directo e para toda España que o Belén ía converter nun clásico do Nadal, esta mañá a actualidade pasaba por saber que pasara co nacemento, xa que durante a noite os operarios desmontárono para sorpresa dalgúns visitantes.

Con todo, nestes momentos o Belén permanece no seu emprazamento, polo que todo parece indicar que durante a noite as figuras foron sometidas a algún tipo de reparación para tentar emendar os danos sufridos estes días por mor do temporal e dos actos vandálicos que se foron sucedendo. Ademais, incrementáronse "" as medidas de seguridade e continúan os labores para tentar reparar, na medida do posible, os danos.

O que para moitos resulta incomprensible é que despois dos actos vandálicos que sufriu o Belén estes días as súas figuras sigan expostas. O caso máis evidente é o da figura do Neno Jesús, "secuestrado" e recuperado onte, (o propio Jácome exhibiu a figura recuperada nas redes sociais) que a pesar de estar mutilado segue sendo o centro de atención do pesebre.  Ademais do infante, a San José e á Virxe María fáltanlles varios dedos e o boi presenta desconchones de pintura.  

MEMES SOBRE MEMES E SOBRE MEMES UN

Algúns apuntan con sorna que, nas condicións nas que se atopa o mesías, a única vantaxe é que cando sexa maior non poderá ser crucificado. Así as cousas, moitos aproveitaron para dar renda solta á súa imaxinación e poñerlle boa cara ao mal tempo, convertendo os acenos de horror que espertaban as figuras ao principio nun sorriso. A música de pachangueo tampouco axudaba a tomarse en serio ao Belén.

Con todo, habería que esperar ás reaccións da comunidade cristiá ao ver que a figura central da cristiandade permanece mutilada e serve como reclamo turístico. Sexa como for, hoxe é Noiteboa, mañá Nadal e, se ninguén o remedia, o Belén seguirá...e coidado que non teñamos esta mesma conversación o ano que vén sobre un Belén que, aínda que poida acabar co espírito do Nadal, non pode co sentido do humor da xente.

O Neno Jesús manco e a súa nai sen dedos este venres pola mañá nunha imaxe de Paco Sarria