​(VÍDEO) A Coruña, Santiago e Teo, escenario do últimos tres 'Concertos Necesarios' do ano

Despois dos éxitos tras as súas visitas á asociación Aspamite, a Cociña Económica de Santiago de Compostela ou o Hospital de Conxo, o Xacobe Martínez Antelo Trio pecha o ano co últimos tres concertos solidarios do ciclo.

Un ciclo que, como xa ocorreu o ano pasado, non para de levar aplausos e recoñecementos alá onde soa a música. Usuarios dos centros que serven de escenario, familiares, amigos e traballadores dos espazos deixan de lado as súas rutinas durante un día e gozan dun evento incomparable no que moitos atopan un oasis para desconectar un pouco.

Porque ese é o obxectivo final deste ciclo de concertos, que busca poñer en valor os centros que acollen as actuacións, así como a todo o persoal e voluntarios que acompañan día a día aos colectivos usuarios dos centros para lograr que a vida destas persoas sexa un pouquiño máis fácil.

Con esa intención afronta Xacobe Martínez Antelo Trio o final do ano, e coa esperanza de repetir na asociación Aspace da Coruña (19 de decembro ás 11:30 horas), na asociación Fonte dá Virxe de Santiago de Compostela (20 de decembro ás 10:30) e na Residencia Puentevea de Teo (20 de decembro ás 16 horas).

O ciclo, apoiado pola Deputación da Coruña a través da súa área de Cultura e co  apoio do Concello de Santiago, tamén contén sorpresas inesperadas, xa que na actuación celebrada no Hospital de Conxo uno dos usuarios do complexo sumouse aos artistas e interpretou con eles dous temas que pactaran con anterioridade para ofrecer ao resto de asistentes un concerto que, seguro, non esquecerán xamais.