Autónomos galegos únense para lograr unha rebaixa das peaxes de autoestrada AP-9

|

Agtamar e UPTA suman forzas para defender a autónomos e pequenos empresarios. Lograr unha entrevista co ministro é un dos seus primeiros obxectivos.


Os autónomos galegos integrados nas asociacións Agtamar e UPTA conformaron unha plataforma para facer fronte aos "atracos legais" das sucesivas subidas do prezo das peaxes na AP-9 rexistradas nos últimos anos, incrementos que ven "inasumibles" para os traballadores por conta propia que teñen que desprazarse do norte ao sur galego pola Autoestrada do Atlántico.


Peaxe, autoestradas, coches, peaxe, descontos, autovías, estradas.


A través dun comunicado remitido aos medios este xoves, o presidente de UPTA, Eduardo Abad, censurou que sexan os usuarios "que máis frecuentan" esta infraestrutura os que sufraguen as obras realizadas nos últimos anos, como a ampliación da ponte de Rande e a circunvalación dos accesos a Santiago.

"Non só estamos entre todos os usuarios financiando a viabilidade da empresa privada concesionaria, senón que ademais estamos a lles proporcionar a través das obras realizadas unha maior capacidade de tráfico e por tanto de clientes na mesma", indicou.

Neste sentido, avanzou a creación dunha plataforma prfoesional que terá "como único obxectivo reverter a actual situación pola que están a atravesar diariamiente máis de 10.000 profesionais autónomos e pequenos empresarios no desenvolvemento da súa actividade".

As asociacións promotoras da plataforma indican que a ela sumáronse xa APE-Galicia, a organización Feaga e ATA Galicia, colectivos que representan a un cuarto de os 200.000 traballadores autónomos da comunidade

Así, fixan como primeiro obxectivo conseguir unha reunión co ministro de Fomento en funcións, José Luis Ábalos; así como "coordinar as accións que desde a Xunta e outras administracións levan a cabo sbore as tarifas que se aplicarán".

"Esta situación ten como responsables directos aos executivos do Estado e aos da comunidade autónoma, que non poden ser alleos ao problema. Esiximos o seu compromiso e que asuman a súa responsabilidade polas decisións que se tomaron no pasado coas ampliacións da concesión e as prórrogas sucesivas", engaden as asociacións Agtamar e UPTA.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress