A Incubadora High Tech Auto da Zona Franca de Vigo contará cos expertos do Centro Tecnolóxico de Automoción
O prazo para a captación de proxectos para a High Tech Auto (HTA) de Galicia durará ata o 14 de febreiro 2020. Os emprendedores seleccionados contarán con apoio de expertos do sector da automoción, como os técnicos do CTAG, para acceder ao mercado estatal e internacional.
O prazo para a captación de proxectos para a High Tech Auto (HTA) de Galicia durará ata o 14 de febreiro 2020. Os emprendedores seleccionados contarán con apoio de expertos do sector da automoción, como os técnicos do CTAG, para acceder ao mercado estatal e internacional.
O delegado da Zona Franca de Vigo, David Regades, reuniuse co equipo directivo do Centro Tecnolóxico de Automoción de Galicia (CTAG) encabezado polo seu director, Luís Moreno.
Luís Moreno e David Regades cos seus equipos técnicos
No marco dos encontros da Zona Franca con entidades do sector da automoción e compoñentes, identificaron potenciais startups de desenvolvemento de produto e de mellora de procesos.
Regades destacou a oportunidade que supón o lanzamento da Incubadora High Tech para dar resposta desde Vigo aos retos tecnolóxicos baseados na transformación dixital e a industria 4.0 no sector da automoción e os seus compoñentes.
Neste sentido indicou, como parte do proxecto High Tech Auto de Galicia, a importancia do World Car Center como un complexo ideado para un ecosistema de innovación.
Pola súa banda, Moreno remarcou que desde CTAG poden achegar a súa experiencia e capacidades como entidade líder en servizos tecnolóxicos.
PRAZOS
A convocatoria de captación de proxectos para a High Tech Auto de Galicia estenderase ata o 14 de febreiro 2020 e está aberta a emprendedores que queiran desenvolver iniciativas empresariais e acceder a ferramentas, recursos, contactos, capacitacións e relacións que necesiten para crecer e desenvolver a súa capacidade de xestión no mercado nacional e internacional.
Escribe o teu comentario