(Vídeo) Jácome expulsa á Mesa pola Normalización tras lembrarlle que "só usa o galego para desprestixialo"

|

O alcalde de Ourense ironizou polo menos dúas veces en público dúas veces sobre o idioma propio. Hoxe varios activistas acudiron ao pleno para recordarlle que a súa obrigación legal é promocionalo.


Varios activistas da plataforma Queremos Galego foron desaloxados este luns do Pleno do Concello de Ourense, despois de reprocharlle ao alcalde da cidade, Gonzalo Pérez Jácome, que "non respecte o galego".


Activistas da Mesa pola Normalizaciu00f3n no concello de Ourense

Activistas da Mesa hoxe no Concello de Ourense


INTERROMPERON O PLENO

Os feitos sucederon ao comezo da sesión extraordinaria do pleno cando varios membros da Mesa pola Normalización Lingüísticas irromperon no salón de plenos con pancartas e entoaron cánticos nos que denunciaron que "Jácome só usa o galego para desprestixialo".

Os activistas, ademais de despregar carteis nos que se puido ler 'Eu quero galego', tamén lle lembraron ao rexedor que "a única forma correcta e oficial de denominar á cidade é Ourense".



Finalmente, os manifestantes abandonaron o salón sen problemas acompañados pola Policía Local. Ademais, enviaron este luns un comunicado no que explican que a súa intención é "lembrarlle ao alcalde e ao grupo de goberno as súas obrigacións legais respecto a a lingua".


PROMETEN QUE VOLVERÁN

A Mesa comprometeuse a volver ao pleno "todas as veces que sexa necesario" para facer valer as obrigacións que ten Jácome "para o principal sinal de identidade de Ourense".

Así mesmo, o responsable da Asociación polo galego en Ourense, Manuel Carniceiro , recomendoulle a Jácome a aplicación da 'Guía para ou uso do galego na Administración local (2019-2023)' editada pola entidade e enviada a todos os concelleiros elixidos o pasado mes de maio, incluído o propio Jácome.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress