Dous bebés entre os oito feridos por un un atropelo múltiple en Vigo

|

Un neno de dous anos é o ferido que máis preocupa entre os atropelados por un Audi que se meteu en dirección contraria

Un total de oito persoas, entre elas dous bebés, resultaron feridas o fío das 20,00 horas deste mércores nun accidente de tráfico rexistrado na Avenida de Fragoso de Vigo, no cal foi atropelada polo menos unha muller.


Imaxe do accidente na vu00eda Fragoso de Vigo nunha imaxe da CRTVG



ATROPELADO UN CARRIÑO DE BEBÉ

Entre os oito feridos están dous irmáns pequenos que foron trasladados ao Hospital Álvaro Cunqueiro e que ían en carriño xunto ao seu pai. Segundo fontes municipais consultadas por Europa Press, o ferido que máis preocupa é o irmán de dous anos de idade, mentres que o outro bebé, de meses, permanece en observación e o pai non presenta feridas de consideración.

Pola súa banda, ao Hospital Fátima foron evacuados unha muller que responde as iniciais M.R.F., de 75 anos de idade; e dous homes identificados como E.H.D., de 69 anos, e B.S.I., de 83 anos.

Pola súa banda, a Povisa foron conducidos un home de iniciais E.G.F., de 77 anos de idade, e dúas mulleres identificadas como M.B.E., de 64 anos; e outra muller, J.Q.P., de 75 anos, segundo informa o 061.


EN DIRECCIÓN CONTRARIO

O sinistro tivo lugar na Avenida de Fragoso, á altura da intersección coa rúa Tranviarios, cando un Audi Q3 que ía cara á Praza de América incorporouse a esa rúa en dirección contraria e o condutor perdería o control.

Segundo fontes municipais, na marcha en dirección contraria, o vehículo atropelou a unha señora para despois encaixarse contra unha árbore. No vehículo implicado no sinistro viaxaban catro persoas, das cales tres resultaron feridas leves.

O 061 Urxencias Sanitarias de Galicia recibiu a alerta ás 19,55 horas, polo que trasladou ata o lugar do sinistro tres ambulancias asistenciais de SVB, dúas ambulancias asistenciais de SVA e persoal sanitario do PAC de Vigo.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress