​O Colexio de Médicos de Santiago acolle as xornadas de debate da Atención Primaria

As xornadas terán lugar o vindeiro xoves 3 de outubro ás 17 horas no Colexio Médico de Santiago.

A Atención Primaria, tan necesaria como ninguneada polas administracións, será obxecto de debate entre os profesionais que a integran nunhas xornadas que terán lugar este xoves 3 de outubro no Colexio Médico de Santiago ás 17 horas. A Plataforma SOS Sanidade Pública de Galicia é a encargada de organizar o evento, coordinado por Xosé María Divos Diz.

Na xornada os colectivos participantes poderán expoñer cal é a súa situación actual, así como os problemas aos que teñen que facer fronte, as necesidades do colectivo e as carencias que deben solucionar para poder ofrecer un mellor servizo aos usuarios e desenvolver os seus labores con total seguridade.

Ademais, no encontro tamén se abordasen as propostas dos colectivos para a súa integración nos Equipos da Atención Primaria e nel participarán os sindicatos CIG, UXT e CCOO, que ofrecerán información complementaria.

DEBATE XERAL

Do mesmo xeito, Manuel Martin, portavoz da plataforma organizadora, expoñerá cal é a situación actual da Atención Primaria en Galicia e se esta dá resposta ás necesidades da poboación e os pacientes, entre outros temas en torno os que virará o debate xeral.

Neste sentido, no encontro tamén se espera que se debata sobre a posibilidade de que os colectivos participen na folga proposta na Atención Primaria da área sanitaria de Vigo para os días 7 e 8 de novembro. A profesionais da área viguesa esperan que o resto de áreas sanitarias galegas sómense á iniciativa, ademais da manifestación aprobada para o próximo 26 outubro e que se realizará nas rúas de Santiago de Compostela.