En Marea dá prioridade a unha alianza co BNG antes que unirse a Errejón, con quen prosegue os "contactos"

|

En Marea mantén a porta aberta a integrarse na "plataforma plurinacional" promovida polo partido de Íñigo Errejón, Máis Madrid, e Compromís, con quen a organización que lidera Luís Villares di manter "un contacto moi fluído" para "repetir a alianza" coa que concorreron galegos e valencianos ás eleccións europeas do pasado mes de maio.


Erreju00f3n villares

Abrazo entre Villares e Iñigo Errejón


Con todo, segundo apuntou este xoves o deputado do grupo mixto e membro da dirección de En Marea Pancho Casal, a "prioridade" da organización é chegar a un acordo con forzas galegas para concorrer ás eleccións xerais do próximo 10 de novembro baixo "unha plataforma de partidos que teñan a súa soberanía en Galicia", entre os que sitúan ao BNG, Compromiso por Galicia ou Anova, con quen En Marea rompeu relacións tras o 'divorcio' do partido instrumental.

Minutos despois, noutra rolda de prensa celebrada no Parlamento de Galicia este xoves, a deputada da formación frontista Olalla Rodil instou a En Marea a "aclararse". "Primeiro lanzaron unha proposta de país e despois empezaron a coquetear con Errejón. Que se aclaren", espetou a parlamentaria nacionalista.

Así as cousas, a tres días do peche do prazo para rexistrar coalicións para o 10N e con aínda a incógnita de en que circunscricións presentarase a formación de Errejón, En Marea confía en que poidan frutificar ambas as ofertas: a creación dunha alianza de forzas galegas e, á súa vez, a unión coa "plataforma confederal" que "vehiculiza" Compromís.

Casal asegurou que a cúpula da organización mantén un "contacto moi fluído" tanto con "as forzas galegas" como coa fronte valenciana, que se decantou por presentarse ás xerais en alianza con Errejón e non cos seus socios no goberno da comunidade, Unidas Podemos.

"É imprescindible unha coordinación plurinacional porque os erros do pasado deben valer para aprender a facelo ben", sinalou Pancho Casal, en alusión ás relacións das confluencias territoriais coa dirección de Podemos.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress