Por que se permite que o Santander peche centos de oficinas cando ten 7.810 millóns de beneficio?, cuestiona Galicia en Común

Históricas sucursais do defunto Banco Pastor, da súa antiga matriz Banco Popular e do novo propietario Banco Santander están a pechar estes meses como froito dun plan de restruturación, que Yolanda Díaz (Galicia en Común) cuestiona no Congreso dos Deputados enarborando os beneficios e a cota de mercado da entidade.

Galicia en Común expuxo ao Goberno en funcións que interveña ante o Grupo Santander para que a entidade "reconsidere" os seus plans de redución de persoal e peche de oficinas, unha decisión que a formación galega critica, teniendo en cuenta que Santander agora conta con máis cota de mercado e beneficios e as súas contas están saneadas.

Nunha batería de preguntas rexistrada no Congreso pola súa deputada Yolanda Díaz, a formación galega integrada no grupo confederal de Unidas Podemos sinala que o pasado venres o Banco Santander pechou 176 sucursais, dentro do seu plan de axuste e integración do absorbido Banco Popular.

BENEFICIO DE CASE 8.000 MILLÓNS ANO E SUBINDO

Segundo as cifras publicadas pola entidade no principio do ano, Santander conseguiu  un beneficio neto atribuído de 7.810 millóns de euros durante o exercicio 2018,  cando xa operaba as oficinas do Pastor e do Popular. O beneficio neto creceu ese ano o 18%

Estes peches súmanse ás 37 pechadas en maio, 79 en xuño e outras 86 a principios deste mes de setembro, enumera Díaz, que apostila que este proceso, segundo alertan os sindicatos no grupo, "intensificarase antes de que finalice o mes de novembro con novas ondas de peches".

Coas súas preguntas, Díaz quere saber a valoración destes plans por parte do Goberno en funcións, teniendo en cuenta os beneficios cos que conta, se ten coñecemento dos plans de reestruturación e redución de persoais, se se realizou ou se prevé "algún tipo de intervención ou mediación" para que Santander "reconsidere a súa decisión".