Os detidos polo alixo de media tonelada de cocaína en Marín enviados a prisión

|

Por agora non transcenderon as entidades dos presuntos narcos. Na operación colaboraron autoridades colombianas e da DEA de Estados Unidos.


A maxistrada do Xulgado de Instrución número 1 de Marín acordou prisión provisional, comunicada e sen fianza para os cinco detidos na provincia de Pontevedra en relación cun alixo de 500 quilos de droga intervido pola Policía Nacional a semana pasada.



Un dos detidos polo alixo de droga en Maru00edn entrando nos xulgados nunha imaxe da CRTVG

Un dos detidos polo alixo de droga en Marín entrando nos xulgados nunha imaxe da CRTVG


Os detidos en Galicia neste operativo pasaron a disposición xudicial este domingo no xulgado de garda de Marín, tras o que se decretou o seu ingreso en prisión acusados dun delito de tráfico de drogas en cantidade notoria e outro de pertenza a organización criminal. Así mesmo, o xulgado pontevedrés inhibiuse en favor da Audiencia Nacional.

Ademais das detencións practicadas, a Policía Nacional interveu 500 quilos de droga nunha nave do lugar de Coirados, en Marín, no marco desta operación antidroga, que o xoves pasado levou a cabo cun amplo despregamento no barrio pontevedrés de Estribela e no municipio veciño de Marín, ademais de en outros puntos de España.

DESPREGUE
Unidades especializadas da Policía Nacional practicaron varios rexistros e controis nas barriadas marinenses de San Pedro e de San Xulián, así como na avenida Marqués de Valterra, en Estribela, onde axentes armados inspeccionaron diferentes vehículos.

O dispositivo estivo dirixido polos efectivos do Greco Galicia (Grupos de Resposta Especializada contra o Crime Organizado), en colaboración coa Brigada Central de Estupefacientes de Madrid e axentes da Unidade de Intervención Policial (UIP) e do Grupo Especial de Operacións (GEO), así como outras unidades da Policía Nacional que incluíron o apoio aéreo dun helicóptero.

A operación, dirixida pola Brigada Central de Estupefacientes e coordinada tamén co Greco Galicia, saldouse en Galicia con cinco detidos na provincia de Pontevedra.

Sen comentarios

Escribe o teu comentario




Non está permitido verter comentarios contrarios á lei. Nos reservamos o dereito a eliminar os comentarios que consideremos fora de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress