Comarcas de Lugo e Ourense volven estar en alerta por choivas e tormentas

A alerta amarela en todas as zonas galegas é polos mesmos motivos: risco de chuvascos que deixen moita choiva en menos dunha hora e risco de tormentas.A probabilidade estimada de que se produzan estes fenómenos é de entre o 10 e o 40 por cento, segundo AEMT.

Danos causados por tormentas en Ourense nunha imaxe de arquivo

Once provincias españolas, entre elas Ourense e Lugo, terán este xoves aviso por risco (amarelo), xa que se esperan choivas e tormentas, segundo informou a Axencia Estatal de Meteoroloxía (AEMET), que prevé inestabilidade especialmente no nordés peninsular e sistema Ibérico.

ALERTAS EN GALICIA

En Ourense, a alerta empezará o xoves a partir das 15 horas e prolongarase ata as 21 horas. Afecta unicamente á zona de montaña, situada ao sueste de Galicia. 

En Lugo, afecta as comarcas de montaña pero tamén no val do Sil, no sur, co mesmo horario que na provincia veciña, de 15 a 20 horas do xoves 

Ademais, as tormentas afectarán a Burgos e á Rioxa, mentres que o risco por choivas tanto como por tormentas estenderase por Huesca, Zaragoza, Teruel, Lérida, Xirona, Barcelona, Conca, Guadalaxara e Ourense, onde se esperan polo menos entre 15 ou 20 litros por metro cadrado ou máis nunha hora.

PREVISIÓN DO TEMPO
En xeral, este xoves espéranse intervalos nubrados na metade norte e chuvascos ou tormentas ocasionais, especialmente durante o día e as máis probables e intensas rexistraranse en zonas de montaña e, en particular no sur do sistema Ibérico e en Pireneos.

Ao longo do día irán alternándose os ceos pouco nubrados e intervalos nubrados, con nebulosidade de evolución diúrna no interior e non se descarta algún chuvasco ou tormenta pola tarde, menos probables no suroeste e litoral sueste, onde poderá permanecer pouco nubrado.

En Baleares espérase unha xornada con ceos pouco nubrados en Baleares e en Canarias, algúns intervalos nubrados no norte das illas, e pouco nubrado no sur.

Respecto a as temperaturas, as diúrnas descenderán no extremo oriental peninsular e haberá poucos cambios no resto. Pola súa banda, os ventos do nordeste soprarán no litoral norte de Galicia, Asturias, litoral de Levante, Baleares e Canarias e serán frouxos variables no resto.